Allepo, Isaiah, Chapter 64

Isa 64:1 א כקדח אש המסים מים תבעה אש להודיע שמך לצריך מפניך גוים ירגזו
Isa 64:2 ב בעשותך נוראות לא נקוה ירדת מפניך הרים נזלו  {ס}
Isa 64:3 ג ומעולם לא שמעו לא האזינו עין לא ראתה אלהים זולתך--יעשה למחכה לו
Isa 64:4 ד פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע
Isa 64:5 ה ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו
Isa 64:6 ו ואין קורא בשמך מתעורר להחזיק בך  כי הסתרת פניך ממנו ותמוגנו ביד עוננו
Isa 64:7 ז ועתה יהוה אבינו אתה אנחנו החמר ואתה יצרנו ומעשה ידך כלנו
Isa 64:8 ח אל תקצף יהוה עד מאד ואל לעד תזכר עון הן הבט נא עמך כלנו
Isa 64:9 ט ערי קדשך היו מדבר ציון מדבר היתה ירושלם שממה
Isa 64:10 י בית קדשנו ותפארתנו אשר הללוך אבתינו--היה לשרפת אש וכל מחמדינו היה לחרבה
Isa 64:11 יא העל אלה תתאפק יהוה תחשה ותעננו עד מאד  {פ}
Isa 64:12