Psa 81:1 א  למנצח על-הגתית לאסף
Psa 81:2 ב  הרנינו לאלהים עוזנו    הריעו לאלהי יעקב
Psa 81:3 ג  שאו-זמרה ותנו-תף    כנור נעים עם-נבל
Psa 81:4 ד  תקעו בחדש שופר    בכסה ליום חגנו
Psa 81:5 ה  כי חק לישראל הוא    משפט לאלהי יעקב
Psa 81:6 ו  עדות ביהוסף שמו--    בצאתו על-ארץ מצרים שפת לא-ידעתי    אשמע
Psa 81:7 ז  הסירותי מסבל שכמו    כפיו מדוד תעברנה
Psa 81:8 ח  בצרה קראת    ואחלצך אענך בסתר רעם    אבחנך על-מי מריבה סלה
Psa 81:9 ט  שמע עמי ואעידה בך    ישראל אם-תשמע-לי
Psa 81:10 י  לא-יהיה בך אל זר    ולא תשתחוה לאל נכר
Psa 81:11 יא  אנכי יהוה אלהיך--    המעלך מארץ מצרים הרחב-פיך    ואמלאהו
Psa 81:12 יב  ולא-שמע עמי לקולי    וישראל לא-אבה לי
Psa 81:13 יג  ואשלחהו בשרירות לבם    ילכו במועצותיהם
Psa 81:14 יד  לו--עמי שמע לי    ישראל בדרכי יהלכו
Psa 81:15 טו  כמעט אויביהם אכניע    ועל צריהם אשיב ידי
Psa 81:16 טז  משנאי יהוה יכחשו-לו    ויהי עתם לעולם [ (Psalms 81:17) יז  ויאכילהו מחלב חטה    ומצור דבש אשביעך ]