Psa 56:1 א  למנצח על-יונת אלם רחקים--    לדוד מכתם באחז אותו פלשתים    בגת
Psa 56:2 ב  חנני אלהים כי-שאפני אנוש    כל-היום לחם ילחצני
Psa 56:3 ג  שאפו שוררי כל-היום    כי-רבים לחמים לי מרום
Psa 56:4 ד  יום אירא--    אני אליך אבטח
Psa 56:5 ה  באלהים    אהלל דברו באלהים בטחתי לא אירא    מה-יעשה בשר לי
Psa 56:6 ו  כל-היום דברי יעצבו    עלי כל-מחשבתם לרע
Psa 56:7 ז  יגורו יצפינו (יצפונו)--המה עקבי ישמרו    כאשר קוו נפשי
Psa 56:8 ח  על-און פלט-למו    באף עמים הורד אלהים
Psa 56:9 ט  נדי ספרתה-אתה    שימה דמעתי בנאדך הלא בספרתך
Psa 56:10 י  אז ישובו אויבי אחור ביום אקרא    זה-ידעתי כי-אלהים לי
Psa 56:11 יא  באלהים אהלל דבר    ביהוה אהלל דבר
Psa 56:12 יב  באלהים בטחתי לא אירא    מה-יעשה אדם לי
Psa 56:13 יג  עלי אלהים נדריך    אשלם תודת לך [ (Psalms 56:14) יד  כי הצלת נפשי ממות--    הלא רגלי מדחי להתהלך לפני אלהים--    באור החיים ]