Allepo, Psalms, Chapter 041

Psa 41:1 א  למנצח מזמור לדוד
Psa 41:2 ב  אשרי משכיל אל-דל    ביום רעה ימלטהו יהוה
Psa 41:3 ג  יהוה ישמרהו ויחיהו--יאשר (ואשר) בארץ    ואל-תתנהו בנפש איביו
Psa 41:4 ד  יהוה--יסעדנו על-ערש דוי    כל-משכבו הפכת בחליו
Psa 41:5 ה  אני-אמרתי יהוה חנני    רפאה נפשי כי-חטאתי לך
Psa 41:6 ו  אויבי--יאמרו רע לי    מתי ימות ואבד שמו
Psa 41:7 ז  ואם-בא לראות שוא ידבר--לבו יקבץ-און לו    יצא לחוץ ידבר
Psa 41:8 ח  יחד--עלי יתלחשו כל-שנאי    עלי--יחשבו רעה לי
Psa 41:9 ט  דבר-בליעל יצוק בו    ואשר שכב לא-יוסיף לקום
Psa 41:10 י  גם-איש שלומי אשר-בטחתי בו--    אוכל לחמי הגדיל עלי    עקב
Psa 41:11 יא  ואתה יהוה חנני והקימני    ואשלמה להם
Psa 41:12 יב  בזאת ידעתי כי-חפצת בי    כי לא-יריע איבי עלי
Psa 41:13 יג  ואני--בתמי תמכת בי    ותציבני לפניך לעולם [ (Psalms 41:14) יד  ברוך יהוה אלהי ישראל--מהעולם ועד העולם    אמן ואמן ]