Allepo, Psalms, Chapter 021

Psa 21:1 א  למנצח מזמור לדוד
Psa 21:2 ב  יהוה בעזך ישמח-מלך    ובישועתך מה-יגיל (יגל) מאד
Psa 21:3 ג  תאות לבו נתתה לו    וארשת שפתיו בל-מנעת סלה
Psa 21:4 ד  כי-תקדמנו ברכות טוב    תשית לראשו עטרת פז
Psa 21:5 ה  חיים שאל ממך--נתתה לו    ארך ימים עולם ועד
Psa 21:6 ו  גדול כבודו בישועתך    הוד והדר תשוה עליו
Psa 21:7 ז  כי-תשיתהו ברכות לעד    תחדהו בשמחה את-פניך
Psa 21:8 ח  כי-המלך בטח ביהוה    ובחסד עליון בל-ימוט
Psa 21:9 ט  תמצא ידך לכל-איביך    ימינך תמצא שנאיך
Psa 21:10 י  תשיתמו כתנור אש--    לעת פניך יהוה באפו יבלעם    ותאכלם אש
Psa 21:11 יא  פרימו מארץ תאבד    וזרעם מבני אדם
Psa 21:12 יב  כי-נטו עליך רעה    חשבו מזמה בל-יוכלו
Psa 21:13 יג  כי תשיתמו שכם    במיתריך תכונן על-פניהם [ (Psalms 21:14) יד  רומה יהוה בעזך    נשירה ונזמרה גבורתך ]