Allepo, Psalms, Chapter 019

Psa 19:1 א  למנצח מזמור לדוד
Psa 19:2 ב  השמים מספרים כבוד-אל    ומעשה ידיו מגיד הרקיע
Psa 19:3 ג  יום ליום יביע אמר    ולילה ללילה יחוה-דעת
Psa 19:4 ד  אין-אמר ואין דברים    בלי נשמע קולם
Psa 19:5 ה  בכל-הארץ יצא קום    ובקצה תבל מליהם לשמש    שם-אהל בהם
Psa 19:6 ו  והוא--כחתן יצא מחפתו    ישיש כגבור לרוץ ארח
Psa 19:7 ז  מקצה השמים מוצאו--ותקופתו על-קצותם    ואין נסתר מחמתו
Psa 19:8 ח  תורת יהוה תמימה משיבת נפש    עדות יהוה נאמנה מחכימת פתי
Psa 19:9 ט  פקודי יהוה ישרים משמחי-לב    מצות יהוה ברה מאירת עינים
Psa 19:10 י  יראת יהוה טהורה--עומדת לעד    משפטי-יהוה אמת צדקו יחדו
Psa 19:11 יא  הנחמדים--מזהב ומפז רב    ומתוקים מדבש ונפת צופים
Psa 19:12 יב  גם-עבדך נזהר בהם    בשמרם עקב רב
Psa 19:13 יג  שגיאות מי-יבין    מנסתרות נקני
Psa 19:14 יד  גם מזדים חשך עבדך--    אל-ימשלו-בי אז איתם ונקיתי    מפשע רב [ (Psalms 19:15) טו  יהיו לרצון אמרי-פי והגיון לבי    לפניך יהוה    צורי וגאלי ]