Allepo, Psalms, Chapter 005

Psa 5:1 א  למנצח אל-הנחילות    מזמור לדוד
Psa 5:2 ב  אמרי האזינה יהוה    בינה הגיגי
Psa 5:3 ג  הקשיבה לקול שועי--מלכי ואלהי    כי-אליך אתפלל
Psa 5:4 ד  יהוה--בקר תשמע קולי    בקר אערך-לך ואצפה
Psa 5:5 ה  כי לא אל חפץ רשע אתה    לא יגרך רע
Psa 5:6 ו  לא-יתיצבו הוללים לנגד עיניך    שנאת כל-פעלי און
Psa 5:7 ז  תאבד דברי כזב    איש-דמים ומרמה יתעב יהוה
Psa 5:8 ח  ואני--ברב חסדך אבוא ביתך    אשתחוה אל-היכל-קדשך ביראתך
Psa 5:9 ט  יהוה נחני בצדקתך--למען שוררי    הושר (הישר) לפני דרכך
Psa 5:10 י  כי אין בפיהו נכונה--קרבם הוות    קבר-פתוח גרנם לשונם יחליקון
Psa 5:11 יא  האשימם אלהים--    יפלו ממעצותיהם ברב פשעיהם הדיחמו--    כי-מרו בך
Psa 5:12 יב  וישמחו כל-חוסי בך לעולם ירננו--    ותסך עלימו ויעלצו בך    אהבי שמך [ (Psalms 5:13) יג  כי-אתה תברך צדיק    יהוה--כצנה רצון תעטרנו ]