Neh 11:1 א וישבו שרי העם בירושלם ושאר העם הפילו גורלות להביא אחד מן העשרה לשבת בירושלם עיר הקדש ותשע הידות בערים
Neh 11:2 ב ויברכו העם--לכל האנשים המתנדבים לשבת בירושלם  {פ}
Neh 11:3 ג ואלה ראשי המדינה אשר ישבו בירושלם ובערי יהודה ישבו איש באחזתו בעריהם ישראל הכהנים והלוים והנתינים ובני עבדי שלמה
Neh 11:4 ד ובירושלם ישבו מבני יהודה ומבני בנימן  מבני יהודה עתיה בן עזיה בן זכריה בן אמריה בן שפטיה בן מהללאל--מבני פרץ
Neh 11:5 ה ומעשיה בן ברוך בן כל חזה בן חזיה בן עדיה בן יויריב בן זכריה--בן השלני
Neh 11:6 ו כל בני פרץ הישבים בירושלם--ארבע מאות ששים ושמנה אנשי חיל  {ס}
Neh 11:7 ז ואלה בני בנימן  סלא בן משלם בן יועד בן פדיה בן קוליה בן מעשיה בן איתיאל--בן ישעיה
Neh 11:8 ח ואחריו גבי סלי--תשע מאות עשרים ושמנה
Neh 11:9 ט ויואל בן זכרי פקיד עליהם ויהודה בן הסנואה על העיר משנה  {פ}
Neh 11:10 י מן הכהנים  ידעיה בן יויריב יכין
Neh 11:11 יא שריה בן חלקיה בן משלם בן צדוק בן מריות בן אחיטוב--נגד בית האלהים
Neh 11:12 יב ואחיהם עשה המלאכה לבית--שמנה מאות עשרים ושנים ועדיה בן ירחם בן פלליה בן אמצי בן זכריה בן פשחור בן מלכיה
Neh 11:13 יג ואחיו ראשים לאבות מאתים ארבעים ושנים ועמשסי בן עזראל בן אחזי בן משלמות בן אמר
Neh 11:14 יד ואחיהם גברי חיל מאה עשרים ושמנה ופקיד עליהם זבדיאל בן הגדולים  {ס}
Neh 11:15 טו ומן הלוים  שמעיה בן חשוב בן עזריקם בן חשביה בן בוני
Neh 11:16 טז ושבתי ויוזבד על המלאכה החיצנה לבית האלהים מראשי הלוים
Neh 11:17 יז ומתניה בן מיכא בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון (ידותון)
Neh 11:18 יח כל הלוים בעיר הקדש מאתים שמנים וארבעה  {פ}
Neh 11:19 יט והשוערים עקוב טלמון ואחיהם השמרים בשערים--מאה שבעים ושנים
Neh 11:20 כ ושאר ישראל הכהנים הלוים בכל ערי יהודה איש בנחלתו
Neh 11:21 כא והנתינים ישבים בעפל וציחא וגשפא על הנתינים  {פ}
Neh 11:22 כב ופקיד הלוים בירושלם--עזי בן בני בן חשביה בן מתניה בן מיכא  מבני אסף המשררים לנגד מלאכת בית האלהים
Neh 11:23 כג כי מצות המלך עליהם ואמנה על המשררים דבר יום ביומו
Neh 11:24 כד ופתחיה בן משיזבאל מבני זרח בן יהודה ליד המלך לכל דבר לעם
Neh 11:25 כה ואל החצרים בשדתם--מבני יהודה ישבו בקרית הארבע ובנתיה ובדיבן ובנתיה וביקבצאל וחצריה
Neh 11:26 כו ובישוע ובמלדה ובבית פלט
Neh 11:27 כז ובחצר שועל ובבאר שבע ובנתיה
Neh 11:28 כח ובצקלג ובמכנה ובבנתיה
Neh 11:29 כט ובעין רמון ובצרעה ובירמות
Neh 11:30 ל זנח עדלם וחצריהם לכיש ושדתיה עזקה ובנתיה ויחנו מבאר שבע עד גיא הנם
Neh 11:31 לא ובני בנימן מגבע מכמש ועיה ובית אל ובנתיה
Neh 11:32 לב ענתות נב ענניה
Neh 11:33 לג חצור רמה גתים
Neh 11:34 לד חדיד צבעים נבלט
Neh 11:35 לה לד ואונו גי החרשים
Neh 11:36 לו ומן הלוים--מחלקות יהודה לבנימין  {פ}