Allepo, Ezra, Chapter 02

Ezr 2:1 א ואלה בני המדינה העלים משבי הגולה אשר הגלה נבוכדנצור (נבוכדנצר) מלך בבל לבבל וישובו לירושלם ויהודה איש לעירו
Ezr 2:2 ב אשר באו עם זרבבל ישוע נחמיה שריה רעליה מרדכי בלשן מספר בגוי--רחום בענה  מספר אנשי עם ישראל  {ס}
Ezr 2:3 ג בני פרעש--אלפים מאה שבעים ושנים  {ס}
Ezr 2:4 ד בני שפטיה שלש מאות שבעים ושנים  {ס}
Ezr 2:5 ה בני ארח שבע מאות חמשה ושבעים  {ס}
Ezr 2:6 ו בני פחת מואב לבני ישוע יואב--אלפים שמנה מאות ושנים עשר  {ס}
Ezr 2:7 ז בני עילם--אלף מאתים חמשים וארבעה  {ס}
Ezr 2:8 ח בני זתוא תשע מאות וארבעים וחמשה  {ס}
Ezr 2:9 ט בני זכי שבע מאות וששים  {ס}
Ezr 2:10 י בני בני שש מאות ארבעים ושנים  {ס}
Ezr 2:11 יא בני בבי שש מאות עשרים ושלשה  {ס}
Ezr 2:12 יב בני עזגד--אלף מאתים עשרים ושנים  {ס}
Ezr 2:13 יג בני אדניקם--שש מאות ששים וששה  {ס}
Ezr 2:14 יד בני בגוי אלפים חמשים וששה  {ס}
Ezr 2:15 טו בני עדין ארבע מאות חמשים וארבעה  {ס}
Ezr 2:16 טז בני אטר ליחזקיה תשעים ושמנה  {ס}
Ezr 2:17 יז בני בצי שלש מאות עשרים ושלשה  {ס}
Ezr 2:18 יח בני יורה מאה ושנים עשר  {ס}
Ezr 2:19 יט בני חשם מאתים עשרים ושלשה  {ס}
Ezr 2:20 כ בני גבר תשעים וחמשה  {ס}
Ezr 2:21 כא בני בית לחם מאה עשרים ושלשה  {ס}
Ezr 2:22 כב אנשי נטפה חמשים וששה
Ezr 2:23 כג אנשי ענתות מאה עשרים ושמנה  {ס}
Ezr 2:24 כד בני עזמות ארבעים ושנים  {ס}
Ezr 2:25 כה בני קרית ערים כפירה ובארות שבע מאות וארבעים ושלשה  {ס}
Ezr 2:26 כו בני הרמה וגבע שש מאות עשרים ואחד  {ס}
Ezr 2:27 כז אנשי מכמס מאה עשרים ושנים  {ס}
Ezr 2:28 כח אנשי בית אל והעי מאתים עשרים ושלשה  {ס}
Ezr 2:29 כט בני נבו חמשים ושנים  {ס}
Ezr 2:30 ל בני מגביש מאה חמשים וששה  {ס}
Ezr 2:31 לא בני עילם אחר--אלף מאתים חמשים וארבעה  {ס}
Ezr 2:32 לב בני חרם שלש מאות ועשרים  {ס}
Ezr 2:33 לג בני לד חדיד ואונו שבע מאות עשרים וחמשה  {ס}
Ezr 2:34 לד בני ירחו שלש מאות ארבעים וחמשה  {ס}
Ezr 2:35 לה בני סנאה--שלשת אלפים ושש מאות ושלשים  {ס}
Ezr 2:36 לו הכהנים  בני ידעיה לבית ישוע תשע מאות שבעים ושלשה  {ס}
Ezr 2:37 לז בני אמר אלף חמשים ושנים  {ס}
Ezr 2:38 לח בני פשחור--אלף מאתים ארבעים ושבעה  {ס}
Ezr 2:39 לט בני חרם אלף ושבעה עשר  {ס}
Ezr 2:40 מ הלוים  בני ישוע וקדמיאל לבני הודויה שבעים וארבעה  {ס}
Ezr 2:41 מא המשררים--בני אסף מאה עשרים ושמנה  {פ}
Ezr 2:42 מב בני השערים בני שלום בני אטר בני טלמן בני עקוב בני חטיטא בני שבי--הכל מאה שלשים ותשעה  {פ}
Ezr 2:43 מג הנתינים  {ס}  בני ציחא  {ס}  בני חשופא  {ס}  בני  {ר} טבעות  {ס}
Ezr 2:44 מד בני קרס  {ס}  בני סיעהא  {ס}  בני  {ר} פדון  {ס}
Ezr 2:45 מה בני לבנה  {ס}  בני חגבה  {ס}  בני  {ר} עקוב  {ס}
Ezr 2:46 מו בני חגב  {ס}  בני שמלי (שלמי)  {ס}  בני  {ר} חנן  {ס}
Ezr 2:47 מז בני גדל  {ס}  בני גחר  {ס}  בני  {ר} ראיה  {ס}
Ezr 2:48 מח בני רצין  {ס}  בני נקודא  {ס}  בני  {ר} גזם  {ס}
Ezr 2:49 מט בני עזא  {ס}  בני פסח  {ס}  בני  {ר} בסי  {ס}
Ezr 2:50 נ בני אסנה  {ס}  בני מעונים  {ס}  בני  {ר} נפיסים (נפוסים)  {ס}
Ezr 2:51 נא בני בקבוק  {ס}  בני חקופא  {ס}  בני  {ר} חרחור  {ס}
Ezr 2:52 נב בני בצלות  {ס}  בני מחידא  {ס}  בני  {ר} חרשא  {ס}
Ezr 2:53 נג בני ברקוס  {ס}  בני סיסרא  {ס}  בני  {ר} תמח  {ס}
Ezr 2:54 נד בני נציח  {ס}  בני חטיפא  {ס}
Ezr 2:55 נה בני  {ר} עבדי שלמה  {ס}  בני סטי  {ס}  בני הספרת  {ס}  בני  {ר} פרודא  {ס}
Ezr 2:56 נו בני יעלה  {ס}  בני דרקון  {ס}  בני  {ר} גדל  {ס}
Ezr 2:57 נז בני שפטיה  {ס}  בני חטיל  {ס}  בני  {ר} פכרת הצביים--  {ס}  בני אמי
Ezr 2:58 נח כל הנתינים--ובני עבדי שלמה  שלש מאות תשעים ושנים  {ס}
Ezr 2:59 נט ואלה העלים מתל מלח תל חרשא כרוב אדן אמר ולא יכלו להגיד בית אבותם וזרעם--אם מישראל הם
Ezr 2:60 ס בני דליה בני טוביה בני נקודא--שש מאות חמשים ושנים  {ס}
Ezr 2:61 סא ומבני הכהנים--בני חביה בני הקוץ  בני ברזלי אשר לקח מבנות ברזלי הגלעדי אשה ויקרא על שמם
Ezr 2:62 סב אלה בקשו כתבם המתיחשים--ולא נמצאו ויגאלו מן הכהנה
Ezr 2:63 סג ויאמר התרשתא להם אשר לא יאכלו מקדש הקדשים--עד עמד כהן לאורים ולתמים
Ezr 2:64 סד כל הקהל כאחד--ארבע רבוא אלפים שלש מאות ששים
Ezr 2:65 סה מלבד עבדיהם ואמהתיהם אלה--שבעת אלפים שלש מאות שלשים ושבעה ולהם משררים ומשררות מאתים
Ezr 2:66 סו סוסיהם שבע מאות שלשים וששה פרדיהם מאתים ארבעים וחמשה
Ezr 2:67 סז גמליהם--ארבע מאות שלשים וחמשה חמרים--ששת אלפים שבע מאות ועשרים  {פ}
Ezr 2:68 סח ומראשי האבות בבואם לבית יהוה אשר בירושלם--התנדבו לבית האלהים להעמידו על מכונו
Ezr 2:69 סט ככחם נתנו לאוצר המלאכה זהב דרכמונים שש רבאות ואלף  {ס}  וכסף מנים חמשת אלפים וכתנת כהנים מאה  {ס}
Ezr 2:70 ע וישבו הכהנים והלוים ומן העם והמשררים והשוערים והנתינים--בעריהם וכל ישראל בעריהם  {ס}