1Ch 24:1 א ולבני אהרן מחלקותם  בני אהרן--נדב ואביהוא אלעזר ואיתמר
1Ch 24:2 ב וימת נדב ואביהוא לפני אביהם ובנים לא היו להם ויכהנו אלעזר ואיתמר
1Ch 24:3 ג ויחלקם דויד--וצדוק מן בני אלעזר ואחימלך מן בני איתמר  לפקדתם בעבדתם
1Ch 24:4 ד וימצאו בני אלעזר רבים לראשי הגברים מן בני איתמר--ויחלקום  לבני אלעזר ראשים לבית אבות ששה עשר ולבני איתמר לבית אבותם שמונה
1Ch 24:5 ה ויחלקום בגורלות אלה עם אלה  כי היו שרי קדש ושרי האלהים מבני אלעזר ובבני איתמר  {ס}
1Ch 24:6 ו ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים--בית אב אחד אחז לאלעזר ואחז אחז לאיתמר  {פ}
1Ch 24:7 ז ויצא הגורל הראשון ליהויריב  {ס}  לידעיה השני  {ס}
1Ch 24:8 ח לחרם  {ר} השלישי  {ס}  לשערים הרבעי  {ס}
1Ch 24:9 ט למלכיה  {ר} החמישי  {ס}  למימן הששי  {ס}
1Ch 24:10 י להקוץ  {ר} השבעי  {ס}  לאביה השמיני  {ס}
1Ch 24:11 יא לישוע  {ר} התשעי  {ס}  לשכניהו העשרי  {ס}
1Ch 24:12 יב לאלישיב  {ר} עשתי עשר  {ס}  ליקים שנים עשר  {ס}
1Ch 24:13 יג לחפה  {ר} שלשה עשר  {ס}  לישבאב ארבעה עשר  {ס}
1Ch 24:14 יד לבלגה  {ר} חמשה עשר  {ס}  לאמר ששה עשר  {ס}
1Ch 24:15 טו לחזיר שבעה  {ר} עשר  {ס}  להפצץ שמונה עשר  {ס}
1Ch 24:16 טז לפתחיה תשעה  {ר} עשר  {ס}  ליחזקאל העשרים  {ס}
1Ch 24:17 יז ליכין אחד  {ר} ועשרים  {ס}  לגמול שנים ועשרים  {ס}
1Ch 24:18 יח לדליהו שלשה  {ר} ועשרים  {ס}  למעזיהו ארבעה ועשרים  {פ}
1Ch 24:19 יט אלה פקדתם לעבדתם לבוא לבית יהוה כמשפטם ביד אהרן אביהם  כאשר צוהו יהוה אלהי ישראל  {פ}
1Ch 24:20 כ ולבני לוי הנותרים  לבני עמרם שובאל לבני שובאל יחדיהו  {ס}
1Ch 24:21 כא לרחביהו--לבני רחביהו הראש ישיה  {ס}
1Ch 24:22 כב ליצהרי שלמות לבני שלמות יחת  {ס}
1Ch 24:23 כג ובני יריהו אמריהו השני יחזיאל השלישי יקמעם הרביעי  {ס}
1Ch 24:24 כד בני עזיאל מיכה לבני מיכה שמור (שמיר)
1Ch 24:25 כה אחי מיכה ישיה  {ס}  לבני ישיה זכריהו  {ס}
1Ch 24:26 כו בני מררי מחלי ומושי  {ס}  בני יעזיהו בנו  {ס}
1Ch 24:27 כז בני מררי--ליעזיהו בנו ושהם וזכור ועברי  {ס}
1Ch 24:28 כח למחלי אלעזר ולא היה לו בנים  {ס}
1Ch 24:29 כט לקיש בני קיש ירחמאל  {ס}
1Ch 24:30 ל ובני מושי מחלי ועדר וירימות אלה בני הלוים לבית אבתיהם
1Ch 24:31 לא ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים--אבות הראש לעמת אחיו הקטן  {ס}