1Ch 11:1 א ויקבצו כל ישראל אל דויד חברונה לאמר  הנה עצמך ובשרך אנחנו
1Ch 11:2 ב גם תמול גם שלשום גם בהיות שאול מלך--אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל
1Ch 11:3 ג ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל  {ס}
1Ch 11:4 ד וילך דויד וכל ישראל ירושלם היא יבוס ושם היבוסי ישבי הארץ
1Ch 11:5 ה ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד
1Ch 11:6 ו ויאמר דויד--כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש
1Ch 11:7 ז וישב דויד במצד על כן קראו לו עיר דויד
1Ch 11:8 ח ויבן העיר מסביב מן המלוא ועד הסביב ויואב יחיה את שאר העיר
1Ch 11:9 ט וילך דויד הלוך וגדול ויהוה צבאות עמו  {פ}
1Ch 11:10 י ואלה ראשי הגברים אשר לדויד המתחזקים עמו במלכותו עם כל ישראל להמליכו--כדבר יהוה על ישראל  {ס}
1Ch 11:11 יא ואלה מספר הגברים אשר לדויד  ישבעם בן חכמוני ראש השלושים (השלישים)--הוא עורר את חניתו על שלש מאות חלל בפעם אחת
1Ch 11:12 יב ואחריו אלעזר בן דודו האחוחי הוא בשלושה הגברים
1Ch 11:13 יג הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים
1Ch 11:14 יד ויתיצבו בתוך החלקה ויצילוה ויכו את פלשתים ויושע יהוה תשועה גדולה
1Ch 11:15 טו וירדו שלושה מן השלושים ראש על הצר אל דויד--אל מערת עדלם ומחנה פלשתים חנה בעמק רפאים
1Ch 11:16 טז ודויד אז במצודה ונציב פלשתים אז בבית לחם
1Ch 11:17 יז ויתאו דויד ויאמר  מי ישקני מים מבור בית לחם אשר בשער
1Ch 11:18 יח ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה
1Ch 11:19 יט ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים
1Ch 11:20 כ ואבשי אחי יואב הוא היה ראש השלושה והוא עורר את חניתו על שלש מאות חלל ולא (ולו) שם בשלושה
1Ch 11:21 כא מן השלושה בשנים נכבד ויהי להם לשר ועד השלושה לא בא  {ס}
1Ch 11:22 כב בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג
1Ch 11:23 כג והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו
1Ch 11:24 כד אלה עשה בניהו בן יהוידע ולו שם בשלושה הגברים
1Ch 11:25 כה מן השלושים הנו נכבד הוא ואל השלשה לא בא וישימהו דויד על משמעתו  {ס}
1Ch 11:26 כו וגבורי החילים  עשהאל  {ר} אחי יואב  {ס}  אלחנן בן דודו מבית לחם  {ס}
1Ch 11:27 כז שמות  {ר} ההרורי  {ס}  חלץ הפלוני  {ס}
1Ch 11:28 כח עירא בן עקש  {ר} התקועי  {ס}  אביעזר הענתותי  {ס}
1Ch 11:29 כט סבכי  {ר} החשתי  {ס}  עילי האחוחי  {ס}
1Ch 11:30 ל מהרי  {ר} הנטפתי  {ס}  חלד בן בענה הנטופתי  {ס}
1Ch 11:31 לא איתי  {ר} בן ריבי מגבעת בני בנימן  {ס}  בניה הפרעתני  {ס}
1Ch 11:32 לב חורי  {ר} מנחלי געש  {ס}  אביאל הערבתי  {ס}
1Ch 11:33 לג עזמות  {ר} הבחרומי  {ס}  אליחבא השעלבני  {ס}
1Ch 11:34 לד בני השם  {ר} הגזוני  {ס}  יונתן בן שגה ההררי  {ס}
1Ch 11:35 לה אחיאם  {ר} בן שכר ההררי  {ס}  אליפל בן אור  {ס}
1Ch 11:36 לו חפר המכרתי  {ר} אחיה הפלני  {ס}
1Ch 11:37 לז חצרו הכרמלי  {ס}  נערי  {ר} בן אזבי  {ס}
1Ch 11:38 לח יואל אחי נתן  {ס}  מבחר בן  {ר} הגרי  {ס}
1Ch 11:39 לט צלק העמוני נחרי הברתי נשא כלי יואב בן  {ר} צרויה  {ס}
1Ch 11:40 מ עירא היתרי  {ס}  גרב היתרי  {ס}
1Ch 11:41 מא אוריה  {ר} החתי  {ס}  זבד בן אחלי  {ס}
1Ch 11:42 מב עדינא בן שיזא הראובני  {ר} ראש לראובני--ועליו שלשים  {ס}
1Ch 11:43 מג חנן בן מעכה ויושפט  {ר} המתני  {ס}
1Ch 11:44 מד עזיא העשתרתי  {ס}  שמע ויעואל (ויעיאל)  {ר} בני חותם הערערי  {ס}
1Ch 11:45 מה ידיעאל בן שמרי ויחא אחיו  {ר} התיצי  {ס}
1Ch 11:46 מו אליאל המחוים ויריבי ויושויה בני אלנעם  {ס}  ויתמה  {ר} המואבי
1Ch 11:47 מז אליאל ועובד  {ס}  ויעשיאל המצביה  {פ}