1Ch 8:1 א ובנימן--הוליד את בלע בכרו אשבל השני ואחרח השלישי
1Ch 8:2 ב נוחה הרביעי ורפא החמישי
1Ch 8:3 ג ויהיו בנים לבלע--אדר וגרא ואביהוד
1Ch 8:4 ד ואבישוע ונעמן ואחוח
1Ch 8:5 ה וגרא ושפופן וחורם
1Ch 8:6 ו ואלה בני אחוד אלה הם ראשי אבות ליושבי גבע ויגלום אל מנחת
1Ch 8:7 ז ונעמן ואחיה וגרא הוא הגלם והוליד את עזא ואת אחיחד
1Ch 8:8 ח ושחרים הוליד בשדה מואב מן שלחו אתם--חושים ואת בערא נשיו
1Ch 8:9 ט ויולד מן חדש אשתו--את יובב ואת צביא ואת מישא ואת מלכם
1Ch 8:10 י ואת יעוץ ואת שכיה ואת מרמה אלה בניו ראשי אבות
1Ch 8:11 יא ומחשים הוליד את אביטוב ואת אלפעל
1Ch 8:12 יב ובני אלפעל עבר ומשעם ושמד הוא בנה את אונו ואת לד ובנתיה
1Ch 8:13 יג וברעה ושמע--המה ראשי האבות ליושבי אילון המה הבריחו את יושבי גת
1Ch 8:14 יד ואחיו ששק וירמות
1Ch 8:15 טו וזבדיה וערד ועדר
1Ch 8:16 טז ומיכאל וישפה ויוחא בני בריעה
1Ch 8:17 יז וזבדיה ומשלם וחזקי וחבר
1Ch 8:18 יח וישמרי ויזליאה ויובב בני אלפעל
1Ch 8:19 יט ויקים וזכרי וזבדי
1Ch 8:20 כ ואליעיני וצלתי ואליאל
1Ch 8:21 כא ועדיה ובראיה ושמרת בני שמעי
1Ch 8:22 כב וישפן ועבר ואליאל
1Ch 8:23 כג ועבדון וזכרי וחנן
1Ch 8:24 כד וחנניה ועילם וענתתיה
1Ch 8:25 כה ויפדיה ופניאל (ופנואל) בני ששק
1Ch 8:26 כו ושמשרי ושחריה ועתליה
1Ch 8:27 כז ויערשיה ואליה וזכרי בני ירחם
1Ch 8:28 כח אלה ראשי אבות לתלדותם ראשים אלה ישבו בירושלם
1Ch 8:29 כט ובגבעון ישבו אבי גבעון ושם אשתו מעכה
1Ch 8:30 ל ובנו הבכור עבדון וצור וקיש ובעל ונדב
1Ch 8:31 לא וגדור ואחיו וזכר
1Ch 8:32 לב ומקלות הוליד את שמאה ואף המה נגד אחיהם ישבו בירושלם--עם אחיהם  {ס}
1Ch 8:33 לג ונר הוליד את קיש וקיש הוליד את שאול ושאול הוליד את יהונתן ואת מלכישוע ואת אבינדב ואת אשבעל
1Ch 8:34 לד ובן יהונתן מריב בעל ומריב בעל הוליד את מיכה
1Ch 8:35 לה ובני מיכה--פיתון ומלך ותארע ואחז
1Ch 8:36 לו ואחז הוליד את יהועדה ויהועדה הוליד את עלמת ואת עזמות ואת זמרי וזמרי הוליד את מוצא
1Ch 8:37 לז ומוצא הוליד את בנעא רפה בנו אלעשה בנו אצל בנו
1Ch 8:38 לח ולאצל ששה בנים--ואלה שמותם עזריקם בכרו וישמעאל ושעריה ועבדיה וחנן כל אלה בני אצל
1Ch 8:39 לט ובני עשק אחיו  אולם בכרו--יעוש השני ואליפלט השלשי
1Ch 8:40 מ ויהיו בני אולם אנשים גבורי חיל דרכי קשת ומרבים בנים ובני בנים--מאה וחמשים כל אלה מבני בנימן  {פ}