1Ch 7:1 א ולבני יששכר תולע ופואה ישיב (ישוב) ושמרון--ארבעה  {ס}
1Ch 7:2 ב ובני תולע עזי ורפיה ויריאל ויחמי ויבשם ושמואל ראשים לבית אבותם לתולע גבורי חיל לתלדותם--מספרם בימי דויד עשרים ושנים אלף ושש מאות  {ס}
1Ch 7:3 ג ובני עזי יזרחיה ובני יזרחיה מיכאל ועבדיה ויואל ישיה חמשה--ראשים כלם
1Ch 7:4 ד ועליהם לתלדותם לבית אבותם גדודי צבא מלחמה שלשים וששה אלף  כי הרבו נשים ובנים
1Ch 7:5 ה ואחיהם לכל משפחות יששכר גבורי חילים שמונים ושבעה אלף התיחשם לכל  {ס}
1Ch 7:6 ו בנימן בלע ובכר וידיעאל--שלשה
1Ch 7:7 ז ובני בלע אצבון ועזי ועזיאל וירימות ועירי חמשה ראשי בית אבות גבורי חילים והתיחשם עשרים ושנים אלף ושלשים וארבעה
1Ch 7:8 ח ובני בכר זמירה ויועש ואליעזר ואליועיני ועמרי וירמות ואביה וענתות ועלמת כל אלה בני בכר
1Ch 7:9 ט והתיחשם לתלדותם ראשי בית אבותם גבורי חיל--עשרים אלף ומאתים
1Ch 7:10 י ובני ידיעאל בלהן ובני בלהן יעיש (יעוש) ובנימן ואהוד וכנענה וזיתן ותרשיש ואחישחר
1Ch 7:11 יא כל אלה בני ידיעאל לראשי האבות גבורי חילים--שבעה עשר אלף ומאתים יצאי צבא למלחמה
1Ch 7:12 יב ושפם וחפם בני עיר חשם בני אחר
1Ch 7:13 יג בני נפתלי יחציאל וגוני ויצר ושלום--בני בלהה  {פ}
1Ch 7:14 יד בני מנשה אשריאל אשר ילדה פילגשו הארמיה ילדה את מכיר אבי גלעד
1Ch 7:15 טו ומכיר לקח אשה לחפים ולשפים ושם אחתו מעכה ושם השני צלפחד ותהינה לצלפחד בנות
1Ch 7:16 טז ותלד מעכה אשת מכיר בן ותקרא שמו פרש ושם אחיו שרש ובניו אולם ורקם
1Ch 7:17 יז ובני אולם בדן אלה בני גלעד בן מכיר בן מנשה
1Ch 7:18 יח ואחתו המלכת--ילדה את אישהוד ואת אביעזר ואת מחלה
1Ch 7:19 יט ויהיו בני שמידע--אחין ושכם ולקחי ואניעם  {פ}
1Ch 7:20 כ ובני אפרים שותלח וברד בנו ותחת בנו ואלעדה בנו ותחת בנו
1Ch 7:21 כא וזבד בנו ושותלח בנו ועזר ואלעד והרגום אנשי גת הנולדים בארץ כי ירדו לקחת את מקניהם
1Ch 7:22 כב ויתאבל אפרים אביהם ימים רבים ויבאו אחיו לנחמו
1Ch 7:23 כג ויבא אל אשתו ותהר ותלד בן ויקרא את שמו בריעה כי ברעה היתה בביתו
1Ch 7:24 כד ובתו שארה ותבן את בית חורון התחתון ואת העליון ואת אזן שארה
1Ch 7:25 כה ורפח בנו ורשף ותלח בנו--ותחן בנו
1Ch 7:26 כו לעדן בנו עמיהוד בנו אלישמע בנו
1Ch 7:27 כז נון בנו יהושע בנו
1Ch 7:28 כח ואחזתם ומשבותם--בית אל ובנתיה ולמזרח נערן--ולמערב גזר ובנתיה ושכם ובנתיה עד עיה ובנתיה
1Ch 7:29 כט ועל ידי בני מנשה בית שאן ובנתיה תענך ובנתיה מגדו ובנותיה דור ובנותיה באלה ישבו בני יוסף בן ישראל  {פ}
1Ch 7:30 ל בני אשר ימנה וישוה וישוי ובריעה--ושרח אחותם
1Ch 7:31 לא ובני בריעה חבר ומלכיאל הוא אבי ברזות (ברזית)
1Ch 7:32 לב וחבר הוליד את יפלט ואת שומר ואת חותם ואת שועא אחותם
1Ch 7:33 לג ובני יפלט פסך ובמהל ועשות אלה בני יפלט
1Ch 7:34 לד ובני שמר--אחי ורוהגה (ורהגה) יחבה (וחבה) וארם
1Ch 7:35 לה ובן הלם אחיו צופח וימנע ושלש ועמל
1Ch 7:36 לו בני צופח--סוח וחרנפר ושועל וברי וימרה
1Ch 7:37 לז בצר והוד ושמא ושלשה ויתרן--ובארא
1Ch 7:38 לח ובני יתר--יפנה ופספה וארא
1Ch 7:39 לט ובני עלא--ארח וחניאל ורציא
1Ch 7:40 מ כל אלה בני אשר ראשי בית האבות ברורים גבורי חילים ראשי הנשיאים והתיחשם בצבא במלחמה מספרם אנשים עשרים וששה אלף  {ס}