1Ch 2:1 א אלה בני ישראל  ראובן שמעון לוי ויהודה יששכר וזבלון
1Ch 2:2 ב דן יוסף ובנימן נפתלי גד ואשר  {פ}
1Ch 2:3 ג בני יהודה ער ואונן ושלה--שלושה נולד לו מבת שוע הכנענית ויהי ער בכור יהודה רע בעיני יהוה--וימיתהו  {ס}
1Ch 2:4 ד ותמר כלתו ילדה לו את פרץ ואת זרח כל בני יהודה חמשה  {ס}
1Ch 2:5 ה בני פרץ חצרון וחמול  {ס}
1Ch 2:6 ו ובני זרח זמרי ואיתן והימן וכלכל ודרע--כלם חמשה  {ס}
1Ch 2:7 ז ובני כרמי--עכר עוכר ישראל אשר מעל בחרם  {ס}
1Ch 2:8 ח ובני איתן עזריה  {ס}
1Ch 2:9 ט ובני חצרון אשר נולד לו--את ירחמאל ואת רם ואת כלובי
1Ch 2:10 י ורם הוליד את עמינדב ועמינדב הוליד את נחשון נשיא בני יהודה
1Ch 2:11 יא ונחשון הוליד את שלמא ושלמא הוליד את בעז
1Ch 2:12 יב ובעז הוליד את עובד ועובד הוליד את ישי
1Ch 2:13 יג ואישי הוליד את בכרו את אליאב--ואבינדב השני ושמעא השלשי
1Ch 2:14 יד נתנאל הרביעי רדי החמישי
1Ch 2:15 טו אצם הששי דויד השבעי
1Ch 2:16 טז ואחיתיהם צרויה ואביגיל ובני צרויה אבשי ויואב ועשהאל--שלשה
1Ch 2:17 יז ואביגיל ילדה את עמשא ואבי עמשא יתר הישמעאלי
1Ch 2:18 יח וכלב בן חצרון הוליד את עזובה אשה--ואת יריעות ואלה בניה ישר ושובב וארדון
1Ch 2:19 יט ותמת עזובה ויקח לו כלב את אפרת ותלד לו את חור
1Ch 2:20 כ וחור הוליד את אורי ואורי הוליד את בצלאל  {ס}
1Ch 2:21 כא ואחר בא חצרון אל בת מכיר אבי גלעד והוא לקחה והוא בן ששים שנה ותלד לו את שגוב
1Ch 2:22 כב ושגוב הוליד את יאיר ויהי לו עשרים ושלוש ערים בארץ הגלעד  {ס}
1Ch 2:23 כג ויקח גשור וארם את חות יאיר מאתם את קנת ואת בנתיה--ששים עיר כל אלה בני מכיר אבי גלעד
1Ch 2:24 כד ואחר מות חצרון בכלב אפרתה ואשת חצרון אביה ותלד לו את אשחור אבי תקוע  {ס}
1Ch 2:25 כה ויהיו בני ירחמאל בכור חצרון הבכור רם ובונה וארן ואצם אחיה
1Ch 2:26 כו ותהי אשה אחרת לירחמאל ושמה עטרה היא אם אונם  {ס}
1Ch 2:27 כז ויהיו בני רם בכור ירחמאל--מעץ וימין ועקר
1Ch 2:28 כח ויהיו בני אונם שמי וידע ובני שמי נדב ואבישור
1Ch 2:29 כט ושם אשת אבישור אביהיל ותלד לו את אחבן ואת מוליד
1Ch 2:30 ל ובני נדב סלד ואפים וימת סלד לא בנים
1Ch 2:31 לא ובני אפים ישעי ובני ישעי ששן ובני ששן אחלי
1Ch 2:32 לב ובני ידע אחי שמי יתר ויונתן וימת יתר לא בנים  {ס}
1Ch 2:33 לג ובני יונתן פלת וזזא אלה היו בני ירחמאל
1Ch 2:34 לד ולא היה לששן בנים כי אם בנות ולששן עבד מצרי ושמו ירחע
1Ch 2:35 לה ויתן ששן את בתו לירחע עבדו לאשה ותלד לו את עתי
1Ch 2:36 לו ועתי הליד את נתן ונתן הוליד את זבד
1Ch 2:37 לז וזבד הוליד את אפלל ואפלל הוליד את עובד
1Ch 2:38 לח ועובד הוליד את יהוא ויהוא הליד את עזריה
1Ch 2:39 לט ועזריה הליד את חלץ וחלץ הליד את אלעשה
1Ch 2:40 מ ואלעשה הליד את ססמי וססמי הליד את שלום
1Ch 2:41 מא ושלום הוליד את יקמיה ויקמיה הליד את אלישמע  {ס}
1Ch 2:42 מב ובני כלב אחי ירחמאל מישע בכרו הוא אבי זיף ובני מרשה אבי חברון
1Ch 2:43 מג ובני חברון--קרח ותפח ורקם ושמע
1Ch 2:44 מד ושמע הוליד את רחם אבי ירקעם ורקם הוליד את שמי
1Ch 2:45 מה ובן שמי מעון ומעון אבי בית צור
1Ch 2:46 מו ועיפה פילגש כלב ילדה את חרן ואת מוצא ואת גזז וחרן הליד את גזז  {ס}
1Ch 2:47 מז ובני יהדי--רגם ויותם וגישן ופלט ועיפה ושעף
1Ch 2:48 מח פילגש כלב מעכה ילד שבר ואת תרחנה
1Ch 2:49 מט ותלד שעף אבי מדמנה את שוא אבי מכבנה ואבי גבעא ובת כלב עכסה  {ס}
1Ch 2:50 נ אלה היו בני כלב בן חור בכור אפרתה--שובל אבי קרית יערים
1Ch 2:51 נא שלמא אבי בית לחם חרף אבי בית גדר
1Ch 2:52 נב ויהיו בנים לשובל אבי קרית יערים הראה חצי המנחות
1Ch 2:53 נג ומשפחות קרית יערים--היתרי והפותי והשמתי והמשרעי מאלה יצאו הצרעתי--והאשתאלי  {ס}
1Ch 2:54 נד בני שלמא בית לחם ונטופתי עטרות בית יואב וחצי המנחתי הצרעי
1Ch 2:55 נה ומשפחות ספרים ישבו (ישבי) יעבץ תרעתים שמעתים שוכתים המה הקינים הבאים מחמת אבי בית רכב  {ס}