Allepo, Exodus, Chapter 20

Exo 20:1 א וידבר אלהים את כל הדברים האלה לאמר  {ס}
Exo 20:2 ב אנכי יהוה אלהיך אשר הוצאתיך מארץ מצרים מבית עבדים  לא יהיה לך אלהים אחרים על פני
Exo 20:3 ג לא תעשה לך פסל וכל תמונה אשר בשמים ממעל ואשר בארץ מתחת--ואשר במים מתחת לארץ
Exo 20:4 ד לא תשתחוה להם ולא תעבדם  כי אנכי יהוה אלהיך אל קנא--פקד עון אבת על בנים על שלשים ועל רבעים לשנאי
Exo 20:5 ה ועשה חסד לאלפים--לאהבי ולשמרי מצותי  {ס}
Exo 20:6 ו לא תשא את שם יהוה אלהיך לשוא  כי לא ינקה יהוה את אשר ישא את שמו לשוא  {פ}
Exo 20:7 ז זכור את יום השבת לקדשו
Exo 20:8 ח ששת ימים תעבד ועשית כל מלאכתך
Exo 20:9 ט ויום השביעי--שבת ליהוה אלהיך  לא תעשה כל מלאכה אתה ובנך ובתך עבדך ואמתך ובהמתך וגרך אשר בשעריך
Exo 20:10 י כי ששת ימים עשה יהוה את השמים ואת הארץ את הים ואת כל אשר בם וינח ביום השביעי על כן ברך יהוה את יום השבת--ויקדשהו  {ס}
Exo 20:11 יא כבד את אביך ואת אמך--למען יארכון ימיך על האדמה אשר יהוה אלהיך נתן לך  {ס}
Exo 20:12 יב לא תרצח  {ס}  לא תנאף  {ס}  לא תגנב  {ס}  לא תענה ברעך עד שקר  {ס}
Exo 20:13 יג לא תחמד בית רעך  {ס}  לא תחמד אשת רעך ועבדו ואמתו ושורו וחמרו וכל אשר לרעך  {פ}
Exo 20:14 יד וכל העם ראים את הקולת ואת הלפידם ואת קול השפר ואת ההר עשן וירא העם וינעו ויעמדו מרחק
Exo 20:15 טו ויאמרו אל משה דבר אתה עמנו ונשמעה ואל ידבר עמנו אלהים פן נמות
Exo 20:16 טז ויאמר משה אל העם אל תיראו כי לבעבור נסות אתכם בא האלהים ובעבור תהיה יראתו על פניכם--לבלתי תחטאו
Exo 20:17 יז ויעמד העם מרחק ומשה נגש אל הערפל אשר שם האלהים  {ס}
Exo 20:18 יח ויאמר יהוה אל משה כה תאמר אל בני ישראל  אתם ראיתם--כי מן השמים דברתי עמכם
Exo 20:19 יט לא תעשון אתי  אלהי כסף ואלהי זהב לא תעשו לכם
Exo 20:20 כ מזבח אדמה תעשה לי וזבחת עליו את עלתיך ואת שלמיך את צאנך ואת בקרך בכל המקום אשר אזכיר את שמי אבוא אליך וברכתיך
Exo 20:21 כא ואם מזבח אבנים תעשה לי לא תבנה אתהן גזית  כי חרבך הנפת עליה ותחללה
Exo 20:22 כב ולא תעלה במעלת על מזבחי  אשר לא תגלה ערותך עליו  {פ}
Exo 20:23
Exo 20:24
Exo 20:25
Exo 20:26