Ezek 48:1 וְאִלֵין שְמָהָת שִבטַיָא מִסְיָפֵי צִפוּנָא עַל תְחוּם אוֹרַח״ארע#3#״ חַתלוֹן מַעֲלַנָא דַחֲמָת חֲצַר עֵינָן תְחוּם דַמַשַק צִיפוּנָא עַל תְחוּם חֲמָת וְהָוַן לֵיה רוּחַ קִדוּמָא מַערְבָא דָן חַד׃
Ezek 48:2 וְעַל תְחוּם דָן מֵרוּחַ מַדנְחָא עַד רוּחַ מַערְבָא״מדינחא#3#״ אָשֵר חַד׃
Ezek 48:3 וְעַל תְחוּם אָשֵר מֵרוּחַ מַדנְחָא״קדומא#3#״ וְעַד רוּחַ מַערְבָא נַפתָלִי חַד׃
Ezek 48:4 וְעַל תְחוּם נַפתָלִי מֵרוּחַ מַדנְחָא״קדומא#3#״קִידוּמָא#3#״ עַד רוּחַ מַערְבָא מְנַשַה חַד׃
Ezek 48:5 וְעַל תְחוּם מְנַשַה מֵרוּחַ מַדנְחָא״קדומא#3#״ עַד רוּחַ מַערְבָא אַפרַיִם חַד׃
Ezek 48:6 וְעַל תְחוּם אַפרַיִם מֵרוּחַ מַדנְחָא״קדומא#3#״ וְעַד רוּחַ מַערְבָא רְאוּבֵן חַד׃
Ezek 48:7 וְעַל תְחוּם רְאוּבֵן מֵרוּחַ מַדנְחָא״קדומא#3#״ עַד רוּחַ מַערְבָא יְהוּדָה חַד׃
Ezek 48:8 וְעַל תְחוּם יְהוּדָה מֵרוּחַ מַדנְחָא עַד רוּחַ מַערְבָא תְהֵי אַפרָשוּתָא דְתַפרְשוּן עַסרִין וְחַמשָה אַלפִין פוּתיָא וְאוּרכָא כְחַד מִן חֲלָקַיָא מֵרוּחַ מַדנְחָא עַד רוּחַ מַערְבָא וִיהֵי כֵיבַש מַקדְשָא בְגַוֵיה׃
Ezek 48:9 אַפרָשוּתָא דְתַפרְשוּן קְֹדָם יוי אוּרכָא עַסרִין וְחַמשָה אַלפִין וֻפוּתיָא עַסרָא אַלפִין׃
Ezek 48:10 וֻלאִלֵין תְהֵי אַפרָשוּת קוּדשָא לְכָהֲנַיָא לְצִפוּנָא עַסרִין וְחַמשָה אַלפִין וֻלמַערְבָא פוּתיָא עַסרָא אַלפִין וֻלמַדנְחָא פוּתיָא עַסרָא אַלפִין וֻלדָרוֹמָא אוּרכָא עַסרִין וְחַמשָה אַלפִין וִיהֵי כֵיבַש מַקדְשָא דַיוי בְגַוֵיה׃
Ezek 48:11 לְכָהֲנַיָא דְקַדִישִין מִבְנֵי צָדוֹק דִנטַרוּ מַטְרַת מֵימְרִי דְלָא טְעוֹ בְמִטעֵי בְנֵי יִשרָאֵל כְמָא דְטעוֹ לֵיוָאֵי׃
Ezek 48:12 וֻתהֵי לְהוֹן אַפרָשוּתָא מֵאַפרָשוּת אַרעָא קוֹדַש קוּדשִין עַל תְחוּם לֵיוָאֵי׃
Ezek 48:13 וְלֵיוָאֵי לָקְֹבֵיל תְחוּם כָהֲנַיָא עַסרִין וְחַמשָה אַלפִין אוּרכָא וֻפֻתיָא עַסרָא אַלפִין כָל אוּרכָא עַסרִין וְחַמשָה אַלפִין וֻפוּתיָא עַסרָא אַלפִין׃
Ezek 48:14 וְלָא יְזַבְנוּן מִנֵיה וְלָא יְחַלֵיף וְלָא יַעבַר רֵיש אַרעָא אֲרֵי קוּדשָא קְֹדָם יוי׃
Ezek 48:15 וְחַמשָה אַלפִין״אפלין#3#״ דְאִשתְאַר בְפוּתיָא עַל אַפֵי עַסרִין וֻחַמשָה אַלפִין חוֹלָא הוּא לְקַרתָא לְמוֹתַב וֻלרַוַח וִיהֵי כֵיבַש קַרתָא בְגַוֵיה׃
Ezek 48:16 וְאִלֵין מִשחָתַהָא לְרוּחַ צִפוּנָא אַרבְעָה אַלפִין וַחֲמֵיש מְאָה וֻלרוּחַ דָרוֹמָא אַרבְעָה אַלפִין וַחֲמֵיש מְאָה וֻמֵרוּחַ מַדנְחָא אַרבְעָה אַלפִין וַחֲמֵיש מְאָה וְרוּחַ מַערְבָא אַרבְעָה אַלפִין וַחֲמֵיש מְאָה׃
Ezek 48:17 וִיהֵי רַוחָא לְקַרתָא לְצִפוּנָא מָאתַן וְחַמשִין וֻלדָרוֹמָא מָאתַן וְחַמשִין וֻלמַדנְחָא מָאתַן וְחַמשִין וֻלמַערְבָא מָאתַן וְחַמשִין׃
Ezek 48:18 וֻדיִשתְאַר בְאוּרכָא לִקבֵיל אַפרָשוּת קֻדשָא עַשׂרָא״עַסרִין#3#״ אַלפִין לְמַדנְחָא וְעַשׂרָא אַלפִין לְמַערְבָא וִיהִי לָקְֹבֵיל אַפרָשוּת קוּדשָא וֻתהֵי עְלַלתֵיה לְמֵיכַל לִדמַפלְחִין בְקַרתָא׃
Ezek 48:19 וֻדמַפלַח בְקַרתָא יִפלְחוּנֵיה מִכָל שִבטַיָא דְיִשרָאֵל׃
Ezek 48:20 כָל אַפרָשוּתָא עַסרִין וְחַמשָה אַלפִין בְעַסרִין וְחַמשָה אַלפִין מְרֻבַע תַפרְשוּן יָת אַפרָשוּת קוּדשָא לְאַחסָנַת קַרתָא׃
Ezek 48:21 וֻדיִשתָאַר לְרַבָא מִיכָא וֻמִיכָא לְאַפרָשוּת קוּדשָא וֻלאַחסָנָת קַרתָא לִקבֵיל עַסרִין וְחַמשָה אַלפִין אַפרָשוּתָא עַד תְחוּם מַדנְחָא וֻלמַערְבָא לִקבֵיל עַסרִין וְחַמשָה אַלפִין עַל״עד#3#״ תְחוּם מַערְבָא לִקבֵיל חַד מִן חְֹלָקַיָא לְרַבָא וֻתהֵי אַפרָשוּת קוּדשָא וְכֵיבַש מַקדַש בֵיתָא בְגַוֵיה׃
Ezek 48:22 וֻמֵאַחסָנַת לֵיוָאֵי וֻמֵאַחסָנַת קַרתָא בְמִצעִין דִלרַבָא יְהֵי בֵין תְחוּם יְהוּדָה וֻבֵין תְחוּם בִניָמִין לְרַבָא יְהֵי׃
Ezek 48:23 וֻשאָר שִבטַיָא מֵרוּחַ מַדנְחָא עַד רוּחַ מַערְבָא בִניָמִן חַד׃
Ezek 48:24 וְעַל תְחוּם בִניָמִן מֵרוּחַ מַדנְחָא עַד רוּחַ מַערְבָא שִמעוֹן חַד׃
Ezek 48:25 וְעַל תְחוּם שִמעוֹן מֵרוּחַ מַדנְחָא עַד רוּחַ מַערְבָא יִשָשכָר חַד׃
Ezek 48:26 וְעַל תְחוּם יִשָשכָר מֵרוּחַ מַדנְחָא עַד רוּחַ מַערְבָא זְבוּלוּן חַד׃
Ezek 48:27 וְעַל תְחוּם זְבוּלֻן מֵרוּחַ מַדנְחָא עַד רוּחַ מַערְבָא גָד חַד׃
Ezek 48:28 וְעַל תְחוּם גָד לְרוּחַ עֵיבַר דָרוֹמָא וְהָוֵי תְחוּמָא מִירִיחוֹ מֵי מַצוּת רְקַם אַחסָנָא לְיַמָא רַבָא׃
Ezek 48:29 דָא אַרעָא דִתפַלְגוּן בְאַחסָנָא לְשִבטַיָא דְיִשרָאֵל וְאִלֵין פַלגָוָותְהוֹן אֲמַר יוי אֲלֹהִים׃
Ezek 48:30 וְאִלֵין מַפְקָנֵי קַרתָא מֵרוּחַ צִפוּנָא אַרבְעָה אַלפִין וַחֲמֵיש מְאָה מִשחָן׃
Ezek 48:31 וְתַרעֵי קַרתָא עַל שְמָהָת שִבטַיָא דְיִשרָאֵל תַרעִין תְלָתָה פְתִיחִין לְצִיפוּנָא תְרַע רְאוּבֵן חַד תְרַע יְהוּדָה חַד תְרַע לֵוִי חַד׃
Ezek 48:32 וֻלרוּחַ מַדנְחָא אַרבְעָה אַלפִין וַחֲמֵיש מְאָה וְתַרעִין תְלָתָה וֻתרַע יוֹסֵף חַד תְרָע בִניָמִין חַד תְרַע דָן חַד׃
Ezek 48:33 וְרוּחַ דָרוֹמָא אַרבְעָה אַלפִין וַחֲמֵיש מְאָה מִשחָן וְתַרעִין תְלָתָה תְרַע שִמעוֹן חַד תְרַע יִשָשכָר חַד תְרַע זְבוּלֻן חַד׃
Ezek 48:34 רוּחַ מַערְבָא אַרבְעָה אַלפִין וְחַמֵיש מְאָה תַרעֵיהוֹן תְלָתָה תְרַע גַד חַד תְרַע אָשֵר חַד תְרַע נַפתָלִי חַד׃
Ezek 48:35 סְחוֹר סְחוֹר תְמָנַת עֲסַר אַלפִין וֻשמַה דְקַרתָא יִתפָרַש מִיוֹמָא דְיִשרֵי״דְיַשרֵי#3#״ שְכִינְתֵיה יוי תַמָן׃