Ezek 34:1 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 34:2 בַר אָדָם אִתנַבִי עַל פַרנָסֵי יִשרָאֵל אִתנַבִי וְתֵימַר לְהוֹן לפַרנָסַיָא כִדנָן אֲמַר יוי אֲלֹהִים וָי עַל פַרנָסֵי יִשרָאֵל דַהֲווֹ מְפַרנְסִין נַפשְהוֹן הֲלָא לְפַרנָסָא עַמָא אִתמְנִיוּ פַרנָסַיָא׃
Ezek 34:3 יָת טוּבָא אַתוּן אָכְלִין וְעַמַר נְקֵי אַתוּן לָבְשִין פַטִימַיַא אַתוּן נָכִסִין עַמָא לֵיתֵיכוֹן מְפַרנְסִין׃
Ezek 34:4 יָת כַאָבַיָא לָא תַקֵיפתוּן וְלִמרִיעַיָא לָא אַסִיתוּן וְלִתבִירַיָא לָא צְמַדתוּן וְיָת דְאִיטַלטַלוּ לָא אֲתֵיבתוּן וְיָת דַאֲבַדוּ לָא בְעֵיתוֹן וֻבתֻקפָא אַפלַחתוּן בְהוֹן וֻבקַשיוּ׃
Ezek 34:5 וְאִתבַדַרוּ מִבְלִי פַרנָס וְאִתמְסַרוּ לְאִשתֵיצָאָה לְכָל מַלכְוָת עַמְמַיָא״ארעא#3#״ וְאִטַלטַלוּ׃
Ezek 34:6 טְעוֹ עַמִי בְכָל טוּרַיָא וְעַל כָל רָמָא מְנַטְלָא וְעַל כָל אַפֵי אַרעָא אִתבַדַרוּ עַמִי וְלֵית דְתָבַע וְלֵית דְבָעֵי׃
Ezek 34:7 בְכֵין פַרנָסַיָא קַבִילוּ יָת פִתגָמָא דַיוי׃
Ezek 34:8 קַיָים אֲנָא אֲמַר יוי אֲלֹהִים אִם לָא חֲלָף דַהֲווֹ עַמִי לְבִזָא וְאִתמְסַרוּ עַמִי לְאִשתֵיצָאָה לְכָל מַלכְוָת עַמְמַיָא מִבְלִי פַרנָס וְלָא תְבַעוּ פַרנָסַי יָת עַמִי וֻפַרנִיסוּ פַרנָסַיָא נַפשְהוֹן וְיָת עַמִי לָא פַרנִיסוּ׃
Ezek 34:9 בְכֵין פַרנָסָיָא קַבִילוּ פִתגָמָא דַיוי׃
Ezek 34:10 כִדנָן אֲמַר יוי אֲלֹהִים הָא אֲנָא שָלַח רוּגזִי עַל פַרנָסַיָא וְאַתבַע יָת עַמִי מִיַדהוֹן וַאֲבַטֵילִנוּן מִלְפַרנָסָא עַמָא וְלָא יְפַרנָסוּן עוֹד פַרנָסַיָא נַפשְהוֹן וַאֲשֵיזֵיב עַמִי מִיַדהוֹן וְלָא יִתמַסרוּן בְיַדהוֹן לִאִשתֵיצָאָה׃
Ezek 34:11 אֲרֵי כִדנָן אֲמַר יוי אֲלֹהִים הָאֲנָא מִתגְלֵי וְאַתבַע יָת עַמִי וַאֲבַקְרִנוּן׃
Ezek 34:12 כְמָא דְמבַקַר רָעֲיָא עַדרֵיה בְיוֹמָא דְהָוֵי בְגוֹ עָנֵיה וֻמַפרֵיש לְהוֹן כֵין אֲבַקַר יָת עַמִי וַאֲשֵיזֵיב יָתְהוֹן מִכָל אַתרַיָא דְאִתבַדַרוּ לְתַמָן בְיוֹם \עֲנָנָא וַאֲמִטְתָא ״ביום עקא ותברא#3#״׃
Ezek 34:13 וְאַפֵיקִנוּן מִבֵינֵי עַמְמַיָא וַאֲכַנֵישִנוּן מִן מְדִינָתָא״ארעתא#3#״ וְאַעֵילִנוּן לַאֲרַעהוֹן וַאֲפַרנֵיסִנוּן עַל טוּרֵי יִשרָאֵל בִפצִידַיָא וֻבכָל מוֹתְבֵי אַרעָא׃
Ezek 34:14 בְפַרנוּס טָב אֲפַרנֵיס יָתְהוֹן וֻבטוּר קוּדשָא דְיִשרָאֵל יְהֵי בֵית מִשרֵיהוֹן תַמָן יִשרוֹן בַאֲתַר דְיָאֵי״ריעי#3#״ וְפַרנוּס טָב יִתפַרנְסוּן עַל טוּרֵי יִשרָאֵל׃
Ezek 34:15 אֲנָא אֲפַרנֵיס עַמֵי וַאֲנָא אַשרֵינוּן לְרֻחצָן אֲמַר יוי אֲלֹהִים׃
Ezek 34:16 יָת דַאֲבַדוּ אַתבַע וְיָת דְאִטַלטַלוּ אֲתִיב וְלִתבִירַיָא אַצמוּד וְלִמרִיעַיָא אֲסוֹבַר וְיָת חַטָאַיָא וְיָת חַיָיבַיָא אֲשֵיצֵי אֲפַרנֵיס עַמִי בְדִינָא׃
Ezek 34:17 וְאַתוּן עַמִי כִדנָן אֲמַר יוי אֲלֹהִים הָא אֲנָא דָאֵין בֵין גְבַר לִגבַר לְחַטָאַיָא וֻלחַיָבַיָא׃
Ezek 34:18 הַזְעֵיר לְכוֹן דְפַרנוּס טָב אַתוּן מִתפַרנְסִין וֻמוֹתַר פַרנוּסְכוֹן \אָכְלִין שַמָשֵיכוֹן ״דיישין בריגליכון#3#״אכלין פַרנָסֵיכוֹן#3#״ וֻמִשתֵי מְתֻקַן אַתוּן שָתַן וְיָת מוֹתָרָא \שַמָשֵיכוֹן שָתַן ״בריגליכון אתון דיישין#3#״שמשיכון ישתון#3#״׃
Ezek 34:19 וְעַמִי מוֹתַר מֵיכַל שַמָשֵיכוֹן אָכְלִין וֻמוֹתַר מִשתֵי שַמָשֵיכוֹן שָתַן׃
Ezek 34:20 בְכֵין כִדנָן אֲמַר יוי אֲלֹהִים לְהוֹן הָאֲנָא מִתגְלֵי וַאֲדוּן בֵין גְבַר עַתִיר וֻבֵין גְבַר מִסכֵין׃
Ezek 34:21 חֲלָף דִבִרשַע וֻבִדרָע דְחַקתוּן וֻבתֻקפְכוֹן תַבַרתוּן כָל כַאָבַיָא עַד דְבַדַרתוּן יָתְהוֹן לִבֵינֵי מְדִינָתָא״עממיא#3#״׃
Ezek 34:22 וְאַפרוֹק לְעַמִי וְלָא יִתמַסרוּן עוֹד לְבִזָא וַאֲדוּן בֵין גְבַר לִגבַר׃
Ezek 34:23 וַאֲקֵים עֲלֵיהוֹן פַרנָס חַד וִיפַרנֵיס יָתְהוֹן יָת עַבדִי דָוִיד הוּא יְפַרנֵיס יָתְהוֹן וְהוּא יְהֵי לְהוֹן לְפַרנָס׃
Ezek 34:24 וַאֲנָא יוי אַהוֵי לְהוֹן לַאֲלָה וַעֲבדִי דָוִיד מַלכָא״רבא#3#״ בֵינֵיהוֹן אֲנָא יוי גָזַרִית בְמֵימְרִי׃
Ezek 34:25 וְאַגזַר לְהוֹן קְיָם שְלָם וַאֲבַטֵיל חַיתָא בִשתָא מִן אַרעָא וְיִתְבוּן בְמַדבְרָא לְרוּחצָן וְיִתעַתְקוּן בְחוּרשַיָא׃
Ezek 34:26 וְאַשרֵי יָתְהוֹן וֻסְחוֹר סְחוֹר לְבֵית מַקדְשִי וִיהוֹן מְבָרְכִין וְאַחֵית לְהוֹן מְטַר בַכִיר בְעִדָנֵיה מִטרִין דְבִרכָא יְהוֹן׃
Ezek 34:27 וְיִתֵן אִילָן חַקלָא יָת אִבֵיה וְאַרעָא תִתֵין עֲלַלתַה וִיהוֹן עַל אֲרַעהוֹן לְרוּחצָן וְיִדְעוּן אֲרֵי אֲנָא יוי כַד אַתבַר יָת נִיר תֻקפְהוֹן וָאֲשֵיזֵיבִנוּן״וַאְשֵיזֵיב יָתְהוֹן#3#״ מִיַד דְמַפלְחִין בְהוֹן׃
Ezek 34:28 וְלָא יְהוֹן עוֹד בִזָא לְעַמְמַיָא וֻמַלכוּת אַרעָא לָא יְשֵיצֵינוּן וְיִתְבוּן״וְיִשרוֹן#3#״ לְרוּחצָן וְלֵית דְמַנִיד׃
Ezek 34:29 וַאֲקֵים לְהוֹן נִצבָא לְקַיָימָא וְלָא יְהוֹן עוֹד מְטֻלטְלֵי כַפנָא בְאַרעָא וְלָא יְקַבְלוּן עוֹד אִתכְנָעוּת עַמְמַיָא׃
Ezek 34:30 וְיִדְעוּן אֲרֵי אֲנָא יוי אֲלָהֲהוֹן מֵימְרִי בְסַעדְהוֹן וְאִנוּן עַמֵי בֵית יִשרָאֵל אֲמַר יוי אֲלֹהִים׃
Ezek 34:31 וְאַתוּן עַמִי עַם דְאִתקְרִי שְמִי עֲלוֹהִי בֵית יִשרָאֵל אַתוּן אֲנָא אֲלָהֲכוֹן אֲמַר יוי אֲלֹהִים׃