Ezek 27:1 וַהֲוָה פִתגָם נְבוּאָה מִן קְֹדָם יוי עִמִי״עלי#3#״ לְמֵימַר׃
Ezek 27:2 וְאַת בַר אָדָם טוֹל עַל צוֹר אִליָא׃
Ezek 27:3 וְתֵימַר לְצוֹר דְיָתְבָא עַל מִגרַש מְחוֹזֵי יַמָא מְסַפְקָא סְחוֹרָא לְעַמְמַיָא לִנגָוָון סַגִיאִין כִדנָן אֲמַר יוי אֲלֹהִים צוֹר אַת אֲמַרת אֲנָא מְשַכלְלָא בְשוּפרִי׃
Ezek 27:4 בְגוֹ יַמְמַיָא״עַמְמַיָא#3#״ תְחוּמַך אַרדֵיכְלַך שַכלִילוּ בִניְנִיך׃
Ezek 27:5 בֵירָוָון מִסנִיר בְנוֹ לִיך יָת כָל גִשרַך אַרזִין מִלִבנָן נְסִיבוּ לְמַעֲבַד תֻרנִין״תוֹרָנִין#2#״ עֲלַך׃
Ezek 27:6 בַלוּטִין מִמַתנַן עֲבַדוּ מְשוֹטֵי סְפִינַך תֵירוּמֵי תַרעַך דַפִין דְאַשכְרָעִין מְכַבְשִין בְשֵין דְפִיל בֵית חוֹפָאָה לְאִתיָטְרוֹן מִמְדִינַת אֲפוּלַיָא׃
Ezek 27:7 בוּץ וְצִיוּרִין מִמִצרַיִם הֲוָה פְרָסִיך לְמִהוֵי לִיך לְאָת תַכלָא וְאַרגְוָנָא מִמְדִינַת אִיטַליָא הֲוָת כְסוּתִיך׃
Ezek 27:8 יָתְבֵי צִידוֹן וְאַרוָד הֲווֹ שָיְטִין וֻמֵיתַן סְחוֹרָא לְגַוִיך חַכִימַך צוֹר הֲווֹ בִיך אִנוּן פַרנָסַך׃
Ezek 27:9 סָבֵי גְבָל וְחַכִימַהָא הֲווֹ בִיך מְתַקְפֵי צוּרכַך כָל נָחֲתֵי סְפִינֵי יַמָא וְסַפָנֵיהוֹן הְווֹ שָיְטִין וֻמֵיתַן סְחוֹרָא לְגַוִיך׃
Ezek 27:10 פַרסָאֵי וְלוּדָאֵי וֻפוּטָאֵי הֲווֹ בְמַשרְיָתִיך גֻברֵי עָבְדֵי קְרָבִיך עֲגִילִין וְקוֹלְסִין תְלוֹ בִיך אִנוּן אַסגִיאוּ זִיוִיך׃
Ezek 27:11 בְנֵי אַרוָד וֻמַשרְיָתִיך״וכל משיריתיך#3#״ עַל שוּרַך סְחוֹר סְחוֹר וְאַף קְפוּטקָאֵי בְמִגדָלַך הְווֹ שָלְטֵיהוֹן תְלוֹ עַל שוּרַך סְחוֹר סְחוֹר אִנוּן שַכלִילוּ שוּפרִיך׃
Ezek 27:12 מִן יַמָא מֵיתַן סְחוֹרָא לְגַוִיך מִסְגֵי כָל עוֹתַר בִכסַף בַרזַל בְעֵיץ״עְבַץ#3#״ וַאֲבָר יְהַבוּ בְבֵית גִנזַך׃
Ezek 27:13 יָוָן תוּבָל וֻמַשַך אִנוּן תַגָרַך בְנַפשָא דַאֲנָשָא וֻמָנֵי נְחָשָא מֵיתַן סְחוֹרָא לְגַוִיך׃
Ezek 27:14 מִמְדִינַת גַרמַמיָא סוּסָוָן וֻפָרָשִין וְכוֹדְנָוָון מֵיתַן סְחוֹרָא לְגַוִיך׃
Ezek 27:15 בְנֵי דְדָן תַגָרַך יָתְבֵי נְגָוָון סַגִיאָן מֵיתַן סְחוֹרָא לְגַוִיך בְקַרנִין דְיַעלִין שֵין דְפִיל וֻטוָסִין אֲתִיבוּ קוּרבָנַך׃
Ezek 27:16 מִן אֲרַם מֵיתַן סְחוֹרָא לְגַוִיך מִסְגֵי עוּתרִיך בְתַכרִיכִין דְאַרגְוָן\״ורקם ובוץ#3#״ וְצִיוּרִין וֻבוּץ וְאַבנִין טָבָן וֻמַרגַליָן יְהַבוּ בְבֵית גִנזַך׃
Ezek 27:17 יְהוּדָה וְאַרעָא דְיִשרָאֵל אִנוּן תַגָרַך בְחִיטֵי דִיחוּש״רִיחוּש#3#״ וְקֹלַויָא״וְקִילוּיָא#3#״ וֻדבַש וֻמשַח וֻשעֵיף יְהַבוּ בְחַנְוָתִיך׃
Ezek 27:18 מִן דַמַשַק מֵיתַן סְחוֹרָא לְגַוִיך בִסגֵי עוּתרִיך מִסְגֵי כָל עוֹתַר בְחֲמַר חֵילַת מְבֻשַל וְעַמַר מֵילַת כְבֵינָא׃
Ezek 27:19 וְדָן וְיָוָן בִשיָרָן סְחוֹרְתִיך מֵיתַן בְעַרקִין״בעדקין#3#״ דְבַרזַל קִידָא וֻקנֵי בְסַם בְחָנְוָתִיך יְהַבוּ׃
Ezek 27:20 מִן דְדָן מֵיתַן סְחוֹרָא לְגַוִיך בִלבוּש דִיקָר לִרתִיכִין׃
Ezek 27:21 עֲרָב וְכָל רַברְבֵי נְבָט״קֵדָר#3#״ אִנוּן תַגָרַך בְתוֹרִין וְדִכרִין וֻגדִין בְהוֹן הֲוָת סְחוֹרְתִיך׃
Ezek 27:22 תַגָרֵי שְבָא וְרַעמָה אִנוּן תַגָרַך בְרֵיש כָל בוּסמִין וֻבכָל אַבנִין טַבָן וְדַהָבָא יְהַבוּ בְבֵית גִנזַך׃
Ezek 27:23 חַרוֹן״חַרזָן#3#״ וֻנצִיבִין וְחַדיָב תַגָרֵי שְבָא מְדִינַת אַתוּר וֻמָדַי אִנוּן תַגָרַך׃
Ezek 27:24 אִנוּן תַגָרַך בִגמָר מִינֵי כָל תֻשבְחָא בְגוֹזְזִין״בְגוֹזַגזִין#2#״ דְתַכלָא בְכוֹשְפִין \דִי וַרדָא ״דְיוַֹרדָא#2#״דארזא#3#״ בְאַימְלִין״באִימְרִין#3#״ דִזהוֹרִיתָא מַחֲתִין בְקַמטְרוֹן חָפַן״חלפן#3#״ גִלדִין מְאַסְרִין \דִי בוּצָא ״דְבוּצָא#2#״ מְחֻתְמִין״מַחֲתִין#3#״ בְעִזקָת גְלָב״גלף#3#״ עֲבִידַת יַמָא מַחֲתִין בְמִגדְלֵי אָעֵי הֲדַסִין בְהוֹן הֲוָת סְחוֹרְתִיך׃
Ezek 27:25 בִספִינֵי יַמָא הֲווֹ שָיְטִין וֻמֵיתַן סְחוֹרָא לְגַוִיך וַעֲתַרת וֻתקֵיפת לַחדָא בְגוֹ יַמָמַיָא׃
Ezek 27:26 בְמַיִין סַגִיאִין עָלוּ עֲלַך דְבָזוּ יָתִיך מַלַך דְתַקִיף כְרוּחַ קִידוּמָא תְבָרִיך בְגוֹ יַמְמַיָא׃
Ezek 27:27 עוּתרִיך וְנִכסַך סְחוֹרְתִיך סַפָנַך וֻפַרנָסַך מְתַקְפֵי צֻרכַך וֻמֵיתַן סְחוֹרַת חָנְוָתִיך וְכָל גֻברֵי עָבְדֵי קָרַבִיך דְבִיך וֻבכָל מָשרְיָתִיך דִבגַוִיך יִפְלוּן״יִתרְמוֹן#3#״ בְגוֹ יַמְמַיָא בְיוֹם מַפְלַת קְטִילַך׃
Ezek 27:28 לְקָל צִוחַת פַרנָסַך יְזוּעוּן פַרוָרַיָא׃
Ezek 27:29 וְיֵיחֲתוּן מִסְפִינֵיהוֹן כָל אָחֲדֵי מָשוֹט סַפָנִין כָל פַרנָסֵי יַמָא עַל אַרעָא יְקוּמוּן׃
Ezek 27:30 וְיַשמְעוּן עֲלַך בְקָלְהוֹן וְיִצוָחוּן בִמרָר וְיַסְקוּן עַפרָא עַל רֵישֵיהוֹן בְקִטמָא יְהוֹן חֲפִיפִין״חפיאין#3#״׃
Ezek 27:31 וְיִמרְטוּן עֲלַך מְרָט וְיֵיסְרוּן סַקִין וְיִבכוֹן עֲלַך בִמרָר נְפַש וְיִעבְדוּן מִספַד מַרִיר׃
Ezek 27:32 וְיִטְלוּן עֲלַך בְעֲנוֹיְהוֹן״בעיצתהון#3#״ אִליָא וְיֵילְלוּן עֲלַך מַן כְצוֹר לֵית דְדָמֵי לַה בְגוֹ יַמְמַיָא׃
Ezek 27:33 בְמִפַק סְחוֹרְתִיך מִבֵינֵי יַמְמַיָא״עממיא#3#״ סַבַעת עַמְמִין סַגִיאִין בִסגֵי עוּתרִיך וְנִכסַך אַעתַרת״אַתְעַרת#3#״ מַלכֵי אַרעָא׃
Ezek 27:34 כְעַן אִתְבַרת דַהֲוֵית \יַתְבָא בְגוֹ יַמְמַיָא ״דהוָת מספקא סחורה לעממיא#3#״ בְעוּמקֵי מַיָא״ימא#3#״ סְחוֹרְתִיך וְכָל מַשרְיָתִיך בְגַוִיך נְפַלוּ׃
Ezek 27:35 כָל יָתְבֵי נְגָוָתָא צַדִיאוּ עֲלַך וֻמַלכֵיהוֹן זָעוּ זְיָע אִתרְשִימוּ אַפֵיהוֹן׃
Ezek 27:36 תַגָרִין בְעַמְמַיָא צַדִיאוּ עֲלַך כִיד לָא הֲוֵית אַתְנִינִיך וְכֵין תְהַן עַד עַלְמָא׃