Targum, Jeremiah, Chapter 24

Jer 24:1 אַחזְיַנִי יוי וְהָא תְרֵין סַלֵי״סַלֵין#3#״ תֵינִין מָחֲתִין קְֹדָם״מקדם#3#״ הֵיכלָא דַיוי בָתַר דְאַגלִי נְבוּכַדנַצַר״נְבוּכַדרַצַר#3#״ מַלכָא דְבָבַל יָת יְכָניָה בַר יְהוֹיָקִים מַלַך שִבטָא דְבֵית יְהוּדָה וְיָת רַברְבֵי יְהוּדָה וְיָת אוּמָנַיָא וְיָת תָרָעַיָא מְירוּשלַם וְאוֹבֵילִנוּן לְבָבַל׃
Jer 24:2 סַלָא חַד״חדא#3#״ תֵינִין טָבָן לַחדָא כְתֵינִין״כתיניא#3#״ בַכִירָן וְסַלָא חַד תֵינִין בִישָן לַחדָא דְלָא מִתאַכלָן מִבִישוּ׃
Jer 24:3 וַאֲמַר יוי לִי מָא אַת חָזֵי״#3#״ יִרמְיָה וַאֲמַרִית תֵינִין תֵינַיָא טָבָתָא״טבתן#3#״ טָבָן לַחדָא וֻדבִישָן בִישָן לַחדָא דְלָא מִתאַכלָן מִבִישוּ׃
Jer 24:4 וַהֲוָה פִתגָם נְבוּאָה \מִן קְֹדָם ״מקדם#3#״ יוי עִמִי״#3#״ לְמֵימַר׃
Jer 24:5 כִדְנָן אֲמַר יוי אֲלָהָא דְיִשרָאֵל כְתֵינַיָא טָבָתָא הָאִלֵין כֵין אִשתְמוֹדַע יָת גָלוּת יְהוּדָה דְאַגלִיתִי מִן אַתרָא הָדֵין לַאֲרַע״לארעא#3#״ארע#3#״ כַסדָאֵי לְטָבָא״לטבתא#3#״׃
Jer 24:6 וַאֲשַוֵי מֵימְרִי עֲלֵיהוֹן לְטָבָא וַאֲתֵיבִינוּן לְאַרעָא הָדָא וְאַבנֵינוּן וְלָא אֲפַגַר וַאֲקַיֵימִינוּן וְלָא אֲטַלטֵיל׃
Jer 24:7 וְאַתֵין לְהוֹן לֵב״לַב#2#״ לְמִידַע דַחלְתִי אֲרֵי אֲנָא יוי וִיהוֹן קְֹדָמַי לְעַם וַאֲנָא אַהוֵי לְהוֹן לַאֲלָה אֲרֵי יְתוּבוּן לְפֻלחָנִי בְכָל לִבְהוֹן׃
Jer 24:8 וֻכתֵינַיָא בִישָתָא דְלָא מִתאַכלָן״מיתאכלא#3#״ מִבִישוּ אֲרֵי״#3#״ כִדנָן אֲמַר יוי כֵין אַתֵין יָת צִדקִיָה מַלַך שִבטָא דְבֵית יְהוּדָה וְיָת רַברְבוֹהִי״רברבנוהי#3#״ וְיָת שְאָרָא דִירוּשלַם דְאִשתְאַרוּ בְאַרעָא הָדָא וֻדיָתְבִין״דיתבין#3#״ בְאַרעָא דְמִצרָיִם׃
Jer 24:9 וְאַתֵינִינוּן לִזיָע לְבִישָא לְכָל מַלכְוָת אַרעָא לְחִסוּדִין וְלִמתָל לְשוֹעִי וֻללוּטָא בְכָל אַתרַיָא״אתרא#3#״ דְאַגלֵינוּן לְתַמָן׃
Jer 24:10 וַאֲגָרֵי בְהוֹן יָת דְקָטְלִין בְחַרבָא כַפנָא״בכפנא#3#״ וֻמוֹתָא״ובמותא#3#״ עַד דִיסוּפוּן מֵעַל אַרעָא דִיהַבִית לְהוֹן וְלַאֲבָהָתְהוֹן׃