Targum, Isaiah, Chapter 64

Isa 64:1 כַד שַלַחת רֻגזָך בְאִשָתָא אִתמְסִיאַת יַמָא מַיָא מְלַחְכָא אִשָתָא לְהוֹדָעָא שְמָך לְסָנְאֵי עַמָך מִן קְֹדָמָך עַמְמַיָא זָעוּ׃
Isa 64:2 בְמַעבְדָך פְרִישָן לָא סַבַרנָא לְהוֹן אִתגְלִיתָא מִן קְֹדָמָך טוּרַיָא זָעוּ׃
Isa 64:3 וֻמֵעָלְמָא לָא שְמַעַת אוֹדַן קָל גְבוּרָא לָא אַצֵיתַת לְמִלוּל זְיָע עֵין לָא חְזָת מָא דַחֲזוֹ עַמָך שְכִינַת יְקָרָך יוי אְרֵי לֵית בָר מִנָך \דְאַת עְתִיד ״דַעְתִיד#2#״ לְמַעְבַד לְעַבדָך״לְעַמָך#2#״ צַדִיקַיָא דִמסַבְרִין לְפוּרקָנָך׃
Isa 64:4 מִתעָרְעִין קְֹדָמָך עוּבָדֵי אְבָהָתַנָא צַדִיקַיָא דַחְדִיאוּ לְמַעְבַד רְעוּתָך בִקשוֹט וֻבזָכוּ כְאוֹרַח״בְאוֹרַח#2#״ טוּבָך וְרַחֲמָך הְווֹ דְכִירִין לְדַחלְתָך הָא בְכָל עִדָן דַהוָה״דְהָוֵי#3#״ רְגַז מִן קְֹדָמָך עְלַנָא עַל דְחַבנָא בְהוֹן בְעוֹבָדֵי״בְעוּבָדֵי#3#״ אְבָהָתַנָא צַדִיקַיָא דְמִן עָלְמָא אְנַחנָא מִתפַרקִין׃
Isa 64:5 וַהְוֵינָא כִמסָאַב כוּלַנָא וֻכִלבוּש מְרַחַק כָל זָכְוָתַנָא וֻנתַרנָא כְמִיתַר טְרַף כוּלַנָא וֻמִן קְֹדָם חוֹבַנָא כְרוּחָא אִתנְטֵילנָא׃
Isa 64:6 וְלֵית דִמצַלֵי בִשמָך מִתרְעֵי לְאַתקָפָא״לְאִיתַקָפָא#2#״ בְדַחלְתָך אְרֵי סְלֵיקתָא אַפֵי שְכִינְתָך מִינַנָא וֻמסַרתַנָא בְיַד חוֹבַנָא׃
Isa 64:7 וֻכעַן יוי דְרַחֲמָך עְלַנָא סַגִיאִין מֵאָב עַל בְנִין אְנַחנָא טִינָא וְאַת בָרַנָא וְעוֹבָד גְבוּרְתָך כֻלַנָא׃
Isa 64:8 לָא יְהֵי רְגַז מִן קְֹדָמָך יוי בַנָא עַד לַחדָא וְלָא לְעָלְמָא תִדכַר חוֹבִין הָא גְלֵי קְֹדָמָך דְעַמָך אְנַחנָא כוּלַנָא׃
Isa 64:9 קִרוֵי קוּדשָך הְוַאָה מַדבְרָא צִיוֹן מַדבְרָא הְוָת יְרוּשלַם צָדיַא׃
Isa 64:10 בֵית קֻדשַנָא וְתֻשבַחתַנָא אְתַר דִפלַחוּ קְֹדָמָך אְבָהָתַנָא הְוָה לִיקֵידַת נוּר וְכָל בֵית״#2#״ רַגְגַנָא הְוָה לְחָרבָה׃
Isa 64:11 הַעַל אִלֵין תִתחַסַן יוי וְאַת יָהֵיב אַרכָא לְרַשִיעַיָא וֻמשַעבְדִין בַנָא עַד לַחדָא׃
Isa 64:12