Targum, Isaiah, Chapter 42

Isa 42:1 הָא עַבדִי אְקָרְבִנֵיה בְחִירִי דְאִתרְעִי בֵיה מֵימְרִי אַתֵין רוּחַ קוּדשִי עְלוֹהִי דִינִי לְעַמְמִין יְגַלֵי׃
Isa 42:2 לָא יַצוַח וְלָא יַכלֵי וְלָא יְרִים בְבָרָא קָלֵיה׃
Isa 42:3 עִנוְתָנַיָא דְכִקנֵי רְעִיַע לָא יִתבַר וְחַשִיכַיָא דִכבוֹצִין עָמֵי לָא יְטַפֵי לְקוּשטֵיה יַפֵיק דִינָא׃
Isa 42:4 לָא יַהלֵי״ילהי#3#״ וְלָא יִלאֵי עַד דִיתַקֵין בְאַרעָא דִינָא וֻלאוֹרָיתֵיה נְגָוָון יְכַתְרוּן׃
Isa 42:5 כִדנָן אְמַר אְלָה עָלְמָא יוי דִברָא שְמַיָא וֻתלָנוּן שַכלֵיל אַרעָא וְדָיְרַהָא יָהֵיב נִשמָא״נִשמְתָא#2#״ לְעַם דַעְלַה וְרוּחַ״וְרוּחָא#2#״ לְדִמהַלְכִין בַה׃
Isa 42:6 אְנָא יוי רַבִיתָך בִקשוֹט וְאַתקֵיפִית בִידָך וַאְתַקְנִינָך״וְאַתקְנִינָך#3#״ וְאַתְנִינָך לִקיָם עַם לְנֵיהוֹר עַמְמִין׃
Isa 42:7 לְפַתָחָא עֵינֵי בֵית יִשׂרָאֵל דְאִנוּן כִסמַן מִן אוֹרָיתָא לְאַפָקָא גָלְוָותְהוֹן מִבֵינֵי עַמְמַיָא דְאִנוּן דָמַן לַאְסִירִין וֻלמִפרַקהוֹן מִשִעבוּד מַלכְוָתָא דְאִנוּן עְגִינִין כַאְסִירֵי קְבַל׃
Isa 42:8 אְנָא יוי הוּא שְמִי וִיקָרִי דְאִתגְלִיתִי עְלֵיכוֹן לְעַם אָחְֹרָן לָא אַתֵין וְתוּשבַחתִי לְפָלְחֵי צַלמַיָא׃
Isa 42:9 קַדמַיָיתָא הָא אְתַאָה וְחַדתָן אְנָא מְחַוֵי עַד לָא יֵיתיָן אְבַסַר יָתְכוֹן׃
Isa 42:10 שַבַחוּ ק׳ יוי תֻשבְחָא חְדַתָא אָמְרֵי תוּשבַחתֵיה מִסְיָפֵי אַרעָא נָחְתֵי יַמָא וֻמלָאֵיה״וֻמלָאַה#3#״ נְגָוָון וְיָתְבֵיהוֹן׃
Isa 42:11 יְשַבַח מַדבְרָא וְקִרוִין דְיָתְבָן בֵיה פַצחִין יִתְבוּן מַדבַר עַרבָאֵי יְשַבְחוּן מִתַיָא כַד יִפְקוּן מִבָתֵי עָלְמֵיהוֹן מֵרֵיש״מֵרֵישֵי#3#״ טוּרַיָא יְרִימוּן קָלְהוֹן׃
Isa 42:12 יְשַווֹן קְֹדָם יוי יְקָרָא וְתֻשבַחתֵיה בִנגָוָון יְחַווֹן׃
Isa 42:13 יוי לְמַעְבַד גְבוּרָן מִתגְלֵי לְמַעְבַד גְבוּרָן מִתגְלֵי בִרגַז בְמִילוּל אַף בִזיָע עַל בַעְלֵי דְבָבוֹהִי מִתגְלֵי בִגבוּרְתֵיה׃
Isa 42:14 יְהַבִית לְהוֹן אַרכָא מֵעָלְמָא דְאִם יְתוּבוּן לְאוֹרָיתָא וְלָא תָבוּ כְחִבלִין עַל יָלְדָא יִתגְלֵי דִינִי עְלֵיהוֹן יִצדוֹן וִיסוּפוּן כַחדָא׃
Isa 42:15 אַחְרִיב טוּרִין וְרָמַן וְכָל עִסבְהוֹן אְיַבֵיש וַאְשַוֵי נַהרִין לִנגָוָון וַאְגַמִין אְיַבֵיש׃
Isa 42:16 וַאְדַבַר דְכִסמַן בְאוֹרַח דְלָא יְדַעוּ בִשבִילִין דְלָא אֵילַפוּ אַדרֵיכִינוּן אְשַוֵי קְבַל קְֹדָמֵיהוֹן לְנֵיהוֹר וְכַפְלָא לְמֵישְרָא אִלֵין פִתגָמַיָא אַעבֵידִינוּן וְלָא אְרַחֵיקִינוּן׃
Isa 42:17 יִסתַחרוּן לְאַחרָא יִבַהתוּן בַהתָא פָלְחֵי צַלמַיָא דְאָמְרִין לִצְלֵים מַתְכָא אַתוּן טָעְוָתַנָא׃
Isa 42:18 רַשִיעַיָא דְאִנוּן כְחַרשִין הְלָא אוּדנִין לְכוֹן שְמַעוּ וְחַיָיבַיָא דְאִנוּן כִסמַן הְלָא עַינִין לְכוֹן אִסתַכַלוּ וַחְזוֹ׃
Isa 42:19 הְלָא אִם יְתוּבוּן רַשִיעַיָא יִתקְרוֹן עַבדַי וְחַיָיבַיָא דִנבִיַי שְלַחִית עְלֵיהוֹן אֵלָא רַשִיעַיָא עְתִידִין לְאִשתַלָמָא פוֹרעָנוּת חוֹבֵיהוֹן בְרַם אִם יְתוּבוּן יִתקְרוֹן עָבְדַיָא דַיוי׃
Isa 42:20 חְזֵיתוֹן סַגִיאָן וְלָא נְטַרתוּן אִתפַתַחָא אֻדנְכוֹן וְלָא קַבֵילתוּן אֻלפָן׃
Isa 42:21 יוי רָעֵי בְדִיל לְזַכָאוּתֵיה דְיִשׂרָאֵל יְרַבֵי לְעָבְדֵי אוֹרָיתֵיה \יְתַקֵיף וִיקַיֵים יַתְהוֹן ״וְיַתקֵיף בְהוֹן#2#״׃
Isa 42:22 וְהוּא עַם בְזִיז וַאְנִיס וְאִתחְפִיאוּ בַהתָא עוּלֵימִין כוּלְהוֹן וֻבבָתֵי יִסוּרִין עְגָנֵיהוֹן הְווֹ לַעְדֵי״לַעְדַי#3#״ וְלֵית דִמשֵיזֵיב לְבִזָא וְלֵית דְאָמַר אְתִיב׃
Isa 42:23 מַן בְכוֹן יַצֵית דָא יְקַבֵיל וְיִסבַר לְסוֹפָא׃
Isa 42:24 מַן מְסַר לַעְדַי יַעְקֹב וְיִשׂרָאֵל לְבָזוֹזִין הְלָא יוי מִן קְֹדָם דְחָבוּ קְֹדָמוֹהִי וְלָא אְבוֹ לִמהָך בְאוֹרחָן דְתָקְנָן קְֹדָמוֹהִי וְלָא קַבִילוּ אֻלפַן אוֹרָיתֵיה׃
Isa 42:25 וֻשפַך עְלֵיהוֹן״עְלוֹהִי#2#״ חְמַת רוּגזֵיה וֻתקוֹף עָבדֵי קְרָבֵיה אַיתִי עְלֵיהוֹן וֻקטַלוּ בְהוֹן מִסְחוֹר סְחוֹר וְלָא יְדַעוּ וֻשלִיטוּ בְהוֹן וְלָא שַוִיאוּ דַחלְתֵיה עַל לֵב׃