Isa 19:1 מַטַל כָס דִלוָט לְאַשקָאָה יָת מִצרָיִם הָא יוי מִתגְלֵי בַעְנַן יְקָרֵיה לְאִתפְרָעָא \מִן מִצרָאֵי ״מִמִצרָיִם#2#״ וְיִתַברוּן טָעְוָת מִצרָאֵי מִן קְֹדָמוֹהִי וְלִיבָא דְמִצרָאֵי יִתמְסֵי בִמעֵיהוֹן׃
Isa 19:2 וַאְגָרֵי מִצרָאֵי בְמִצרָאֵי וִיגִיחוּן קְרָב גְבַר בַאְחוּהִי וֻגבַר בְחַברֵיה קְרֵי בִקרֵי מַלכוּ בְמַלכוּ׃
Isa 19:3 וְתִתמְסֵי רוּחָא דְמִצרָאֵי בִמעֵיהוֹן וְחַכִימֵיהוֹן אְסַלעֵים וְיִתבְעוּן מִן טָעְוָן וֻמִן חָרָשִין וֻמִן בִדִין וֻמִן זְכוּרוּ׃
Isa 19:4 וְאַמסַר יָת מִצרָאֵי בְיַד רִיבוֹן קְשֵי וֻמַלַך תַקִיף יִשלוֹט בְהוֹן אְמַר רִבוֹן עָלְמָא יוי צְבָאוֹת׃
Isa 19:5 וִיצַדוֹן מַיָא מִיַמָא וְנַהרְהוֹן יִחרוּב וְיִיבַש׃
Isa 19:6 וִיצַדוֹן נַהרָוָותָא״נהרוותהון#3#״ יִיבְשוּן וְיִחרְבוּן נַהרֵיהוֹן עַמִיקַיָא קְנֵי וְגוֹמַא לָא יִסְקוּן׃
Isa 19:7 יִיבַש רוּבֵיה דְנַהרָא וִיהֵי כְכֵיפֵיה וְכָל בֵית מִזרַע נַהרְהוֹן יִיבַש יִחרוּב וְלָא יְצַמַח״יַצמַח#2#״׃
Isa 19:8 וִיצַדוֹן צַיָידֵי נוּנַייָא וְיִתאַבְלוּן כָל דַהְווֹ רָמַן בְנַהרָא חַכְתָא וֻפָרְסֵי מְצָדַן עַל אַפֵי מַיָא יִצדוֹן׃
Isa 19:9 וְיִבַהתוּן פָלְחֵי כִיתָנָא דְסָרְקִין וֻמָחַן מִנֵיה מְצָדַן׃
Isa 19:10 וִיהֵי״וִיהוֹן#2#״ אְתַר בֵית שָתֵי {מַהָא} כְבִישִין אְתַר דַהְווֹ עָבְדִין סִיכְרָא וְכָנְשִין מַיָא גְבַר לְנַפשֵיה׃
Isa 19:11 בְרַם אִיטְפַשוּ רַברְבֵי טַאְנֵיס חַכִימַיָא דְמַלכוּהִי לְפַרעֹה מֵילַך דְטָעוּ אֵיכְדֵין תֵימְרוּן לְפַרעֹה בְנֵי חַכִימִין אְנַחנָא וְאַת בַר מַלכִין דְמִילְקַדמִין׃
Isa 19:12 אָן אִינוּן חַכִימָך וִיחַווֹן כְעַן לָך וְיִדְעוּן מָא מְלַך יוי צְבָאוֹת עַל מִצרָיִם׃
Isa 19:13 אִיטְפַשוּ רַברְבֵי טַאְנֵיס טְעוֹ אְנָש מַפֵיס אַטעִיאוּ יָת מִצרָיִם״מִצרָאֵי#3#״ רַבָנֵי פִלכַהָא׃
Isa 19:14 יוי רְמָא בֵינֵיהוֹן רוּחַ דְטָעוּ וְאַטעִיוּ יָת מִצרָאֵי בְכָל עוּבָדֵיהוֹן כְמָא דְטָעֵי רָויָא וֻמִידַשדַש בְתוֹבֵיה׃
Isa 19:15 וְלָא יְהֵי לְמִצרָאֵי מַלכָא דְיִמלוֹך \״עלֵיהוֹן#3#״ רֵיש וְהַגמוֹן״והיגמון#3#״ שִלטוֹן וְאִיטְרוֹן׃
Isa 19:16 בְעִידָנָא הַהוּא יְהוֹן מִצרָאֵי חַלָשִין כִנשַיָא וִיזוּעוּן וְיִתַברוּן מִן קְֹדָם אְרָמוּת גְבוּרְתָא דַיוי צְבָאוֹת דְהוּא מְרִים עְלֵיהוֹן׃
Isa 19:17 וֻתהֵי אַרעָא דְבֵית יְהוּדָה לְמִצרָיִם לְדַחלָא כָל דְיַדכַר״דְיִדכַר#3#״ יָתַה לֵיה יְזוּעַ מִן קְֹדָם מִלכָא דַיוי צְבָאוֹת דְהוּא מְלִיך עְלֵיהוֹן׃
Isa 19:18 בְעִידָנָא הַהוּא יִהוְייָן חְמֵיש קִרוִין בְאַרעָא דְמִצרַיִם מְמַלְלָן מַמלַל כְנַעְנָאָה״כְנַעְנָאֵי#3#״ וֻמקַיְימָן בִשמָא דַיוי צְבָאוֹת קַרתָא בֵית שַמַש דְעַתִידָא לְמִחרַב יִתאְמַר הִיא חְדָא מִנְהוֹן׃
Isa 19:19 בְעִידָנָא הַהוּא יְהֵי מַדבְחָא מְתֻקַן קְֹדָם יוי בְגוֹ אַרעָא דַמִצרָיִם וְקָמְתָא בִסטַר תְחוּמַה קְֹדָם יוי׃
Isa 19:20 וִיהֵי לְאָת וֻלסָהִיד קְֹדָם יוי צְבָאוֹת בְאַרעָא דְמִצרָיִם אְרֵי יְצַלוֹן קְֹדָם יוי מִן קְֹדָם דָחְקֵיהוֹן וְיִשלַח לְהוֹן פָרִיק וְדַייָן וִישֵיזֵיבִנוּן׃
Isa 19:21 וְתִתגְלֵי גְבוּרְתָא דַיוי לְאֵיטָבָא לְמִצרָאֵי״לְמִצרָיִם#3#״ וְיִדְעוּן מִצרָאֵי לְמִדחַל מִן קְֹדָם יוי בְעִידָנָא הַהוּא וְיִפלְחוּן בְנִכסַת קֻדשִין וֻבקֻרבָנִין וְינַדרוּן נִדרִין קְֹדָם יוי וִישַלְמוּן׃
Isa 19:22 וְיִמחֵי יוי יָת מִצרָאֵי מַחָא וְיַסֵינוּן וִיתוּבוּן לְפוּלחָנָא דַיוי וִיקַבֵיל צְלוֹתְהוֹן וְיַסֵי יָתְהוֹן׃
Isa 19:23 בְעִידָנָא הַהוּא תְהֵי אוֹרַח כְבִישָא מִמִצרַיִם לְאַתוּר וִיגִיחוּן אַתוּרָאֵי בְמִצרָאֵי וֻמִצרָאֵי בְאַתוּרָאֵי וְיִפלְחוּן מִצרָאֵי יָת אַתוּרָאֵי׃
Isa 19:24 בְעִידָנָא הַהוּא יְהֵי יִשׂרָאֵל תְלִיתַי לְמִצרָאֵי וֻלאַתוּרָאֵי בִרכָא בְגַוַה דְאַרעָא׃
Isa 19:25 דְבָרְכֵיה יוי צְבָאוֹת לְמֵימַר בְרִיך עַמִי דְאַפֵיקִית״דאסיקית#3#״ מִמִצרַיִם דְעַל דְחָבוּ קְֹדָמַי אַגלִיתִי יָתְהוֹן לְאַתוּר וְכַדוּ דְתָבוּ מִתקְרַן עַמִי וְאַחסָנְתִי יִשׂרָאֵל׃