Ps 109:1 לשבחא על יד דוד תושבחא אלהים שבחתי לא תשתוק׃
Ps 109:2 ארום פומא דרישעא ופומא דניכלא עלי פתחו מלילו עמי לישן דשקר׃
Ps 109:3 וממללי סנותא חזרו יתי ואגיחו עמי מגן׃
Ps 109:4 חלף די רחימ{ו}ת סטנו לי ואנא אצלי׃
Ps 109:5 ושוון עלי בישתא חלף טבא וסניתא״ושנאתא#1#״ חלף דרחימית׃
Ps 109:6 אסער עלוי רשיעא וסיטנא יקום על ימיניה׃
Ps 109:7 באידייניה יפוק חייב וצלותיה תהי לחובתא׃
Ps 109:8 יהון יומוי קלילין מניין שנוי יירת אוחרן׃
Ps 109:9 יהון בנוי יתמי ואתתיה ארמלתא׃
Ps 109:10 ומטלטלא יטלטלון בנוי וישאלון ויבעון מה הות צדיתהון׃
Ps 109:11 יגבב מז{ו}פא לכל דיליה ויבזון נוכראין ליעותיה׃
Ps 109:12 לא יהי ליה נגיד חסדא ולא יהי ליה חייס על יתמוי׃
Ps 109:13 יהי סופיה לאישתצייא בדר אוחרן״חורן#1#״ יתמח שמהון׃
Ps 109:14 ידכיר עויית אבהתוי קדם יהוה וחובת אמיה לא תתמחי׃
Ps 109:15 יהווין קביל מימרא דיהוה תדירא וישיצי מארעא דכרניהון׃
Ps 109:16 מטול דלא אידכר למעבד טיבו ורדיף גבר עניא וחשוכא ומכיך לבא לאתקטלא׃
Ps 109:17 ורחים לוטא ואתית ליה ולא איתרעי בברכתא ואתרחקת מיניה׃
Ps 109:18 ולבש לווטא היך לבושא ועלת היך מיא בגושמיה והיך משחא באיברוי׃
Ps 109:19 תהוי ליה היך לבושא יתעטף ולקמור תדירא יזרזינה׃
Ps 109:20 דא עובדא דש{ו}טני מן יהוה ודמללין בישתא על נפשי׃
Ps 109:21 ואת אלהים יהוה עבד עמי מן בגלל שמך היך טובך וחסדך פצי יתי׃
Ps 109:22 ארום עניא וחשיכא אנא ולבי שפי בגווי׃
Ps 109:23 היך טולא בצליותיה אתגמרית אטלטילית היך גובאי׃
Ps 109:24 רכובי איתקלו מצומא וביסרי פתרן מלמהוי פטים׃
Ps 109:25 ואנא הויתי קלנא להון יחמון יתי יטלטלון רישיהון׃
Ps 109:26 סעוד לי״יתי#1#״ יהוה אלהי פרוק יתי היך חסדך׃
Ps 109:27 וידעון ארום מחתך דא אנת״את#1#״ יהוה עבדתה׃
Ps 109:28 ילטטון הינון״אינון#1#״ ואת תברך יקומון ויבהתון ועבדך יחדי׃
Ps 109:29 ילבשון סוטני כיסופא ויעטפון היך מעילא בהתהון׃
Ps 109:30 אודי״אהודי#1#״ יהוה לחדא בפומי ובמצע חכימיא אשבחיניה׃
Ps 109:31 ארום יקום מן ימינא דחשוכא למפרוק ממדיני נפשיה׃