Targum, Psalms, Chapter 108

Ps 108:1 שירא ושבחא״ותושבחתא#1#״ על ידא דדוד׃
Ps 108:2 תקין לבי אלהים אשבח ואזמר לחוד איקרי׃
Ps 108:3 שבח ניבלא וכינרא אשבח בקריצתא׃
Ps 108:4 אודה קדמך בעמיא״בעממיא#1#״ יהוה ואשבחינך באומיא׃
Ps 108:5 ארום רב מעילוי שמיא טובך ועד שחקי מטי״#1#״ קושטך׃
Ps 108:6 אתרומם עלוי שמיא אלהים ועל כל יתבי ארעא איקרך׃
Ps 108:7 מן בגלל דישתזבון רחימך פרוק ימינך ועני יתי׃
Ps 108:8 אלהא ממליל מאתר בית שכנתיה״שכינת קודשיה#1#״ אביע אפליג ביזתא עם יתבי שכם ועם יתבי מישר סכות אמשח תחומא׃
Ps 108:9 די לי גלעד דילי מנשה דבית אפרים עושנא דרישי ומדבית יהודה ספרי׃
Ps 108:10 דושישית מואבאי היך דודי שזוגי על מלכות אדום אטלוק סנדלי על מלכות פלשתאי אתייבב׃
Ps 108:11 וכדון דחבית מן אוביל יתי עד כרכא דרומי רשיעא מן דברני עד קושנטינא דאדום׃
Ps 108:12 הלא על דחבנא קדם יהוה שבקנא ולא נפקא שכינתיה בחילותנא׃
Ps 108:13 הב לן סעדא מן מעיקא דמגן פורקנא דבר נשא׃