2Chr 22:1 ואמליכו יתבי ירושלם ית אחזיהו בריה זעירא באתרוהי ארום כלהון קדמאי קטלו משריא דאתא עם ארבאי למשריית פלשתאי ואפריקאי ומליך אחזיהו בר יהורם מליך שבטא דבית יהודה׃
2Chr 22:2 בר ארבעין ותרתין שנין אחזיהו כד מלך ושתא חדא מלך בירושלם ושום אמיה עתליהו בת עמרי׃
2Chr 22:3 אוף הוא אזל באורחת אנשי בית אחאב ארום אמיה הות ממלכא יתיה לאתחייבא׃
2Chr 22:4 ועבד דביש קדם ייי היכמה דעבדו אנשי בית אחאב מטול דאנון הוון ליה ממלכין בתר דמית אבוי לחבלא ליה׃
2Chr 22:5 אוף במלכתהון אזל והליך עם יהורם בר אחאב מלכא דישראל לקרבא על חזאל מלכא דארם ברמת גלעד וקטלו ארמאי ית יורם׃
2Chr 22:6 ותב לאתסאה ביזרעאל ארום מחיא די מחוהי ברמתא באגחותיה עם חזאל מלכא דארם ועזריהו בר יהורם מליך שבטא דבית יהודה נחת למחמי ית יהורם בר אחאב ביזרעאל ארום מרע הוא׃
2Chr 22:7 ומן קדם ייי הות תסקפת אחזיהו למיתי לות יורם וכד אתא נפק עם יהורם לות יהוא בר נמשי די רבייה אליהו על פם מימרא דייי לשיצאה ית בית אחאב׃
2Chr 22:8 והוה כד אידיין יהוא עם בית אחאב ואשכח ית רברבי יהודה ובני אחי אחזיהו משמשין לאחזיהו וקטלינון׃
2Chr 22:9 ותבע ית אחזיהו ואחדוהי והוא מטמר בשמרון ואתיוהי לות יהוא וקטליה וקברוהי ארום אמרו בריה דיהושפט הוא די תבע ית דחלתא דייי בכל לביה ולא אית לבית אחזיהו גבר דליה חילא למיחד מלכותא׃
2Chr 22:10 ועתליהו אמיה דאחזיהו חמת ארום מית ברה וקמת וקטלת ית כל זרעא דמלכותא די לאנש בית יהודה׃
2Chr 22:11 ונסיבת יהושבעת ברת מלכא ית יואש בר אחזיהו דילידת ליה צביה מן באירא דשבע וגניבת יתיה ממצע בני מלכא דאתקטילו ויהבת יתיה וית תורבינתיה בקדש קודשיא וטמרתיה יהושבעת ברת מלכא יהורם אתת יהוידע כהנא ארום היא הות אחתיה דאחזיהו מן קדם עתליהו ולא קטלתתיה׃
2Chr 22:12 והוה עמהון בבית מקדשא דייי מטמר שית שנין ועתליה מלכת על ארעא דישראל׃