2Chr 7:1 וכד פסק שלמה מלצלאה ואשתא נחתת ואשתרבבת מן שמיא עלוי מדבחא וגמרת עלתא ונכסת קודשיא ואיקר שכנתא דייי אתמלי ית ביתא׃
2Chr 7:2 ולא יכילו כהניא למיעל לבית מקדשא דייי ארום אתמלי איקר שכנתא דייי ית בית מקדשא דייי׃
2Chr 7:3 וכל בני ישראל חמיין כד נחתת ואשתרבבת אשתא על ביתא ואיקר שכנתא דייי שרא על ביתא וגחנו על אפיהון על ארעא על רובדא וסגדן ומודן קדם ייי ארום טב ארום לעלם טוביה׃
2Chr 7:4 ומלכא וכל עמא דבחין דבחא קדם ייי׃
2Chr 7:5 ודבח מלכא שלמה ית דבחא תורין עשרין ותרין אלפין ועאן מאה ועשרים אלפין וחניכו ית בית מקדשא דייי מלכא וכל עמא׃
2Chr 7:6 וכהניא על מטרתהון קיימין וליואי על דוכנהון בזיני זמר ומשבחין קדם ייי דקריב ית דוד למנאה יתיה מלכא ואשרי עלוהי רוח קודשא לאודאה קדם ייי ארום לעלם טוביה בתושבחתא דוד בידיהון וכהניא תקעין בחצוצריא לקבליהון וכל ישראל קיימין׃
2Chr 7:7 וקדיש שלמה ית מציעות דרתא די קדם בית מקדשא דייי ארום עבד תמן ית עלוותא וית תרבי נכסת קודשיא מטול דמדבחא דנחשא די עבד שלמה דחיק ולא יכיל לסוברא ית עלתא וית מנחתא וית תרביא׃
2Chr 7:8 ועבד שלמה ית חגא בעדנא ההיא שבעתי יומין מן בתר דעבד שבעתי יומין דחנוכת ביתא וכלהון ישראל עמיה קהלא רבא לחדא מן מעלנא דאנטיוכיה עד נילוס דמצרים׃
2Chr 7:9 ועבדו ביומא תמינאה כניש קדם ייי ארום חנוכת מדבחא עבדו שבעתי יומין וחגא דמטליא שבעתי יומין׃
2Chr 7:10 וביום עשרין ותלתא לירחא שביעאה פטר ית עמא למשכניהון ואזלו לקרויהון חדן ושפירי לבא על כל טבתא דעבד ייי לדוד עבדיה דאתפתחן תרעי בית מקדשא מטול זכותיה ולשלמה בריה דקביל ייי צלותיה ושרת שכנתא דייי בבית מקדשא ולישראל עמיה דאתקבלן ברעוא קרבניהון ונחתת אשתא מן שמיא ואשתרבבת על מדבחא וגמרת נכסיהון׃
2Chr 7:11 ופסק שלמה ית בית מקדשא דייי וית בית מלכותא וחסל ית כל מה דיסליק על לבא דשלמה למעבד בבית מקדשא דייי ובביתיה עבד ואצלח׃
2Chr 7:12 ואתגלי מימרא דייי לשלמה בליליא ואמר ליה שמיעא קדמי ית צלותך ואתרעיתי באתרא הדין למהוי לי לבית דבח קורבניא׃
2Chr 7:13 הא כד איכלי שמיא מלאחתא מטרא והא כד אפקד על גובאי למיכל פירי ארעא וכד אגרי מלאך מותא על חוביהון דעמי׃
2Chr 7:14 ומתכנעין עמי דאתקרי שמי עליהון ויעבדון תתובא ויצלון ויבעון מן קדמי ויתובון מן אורחתהון בישיא ואנא אקבל מן שמיא תתובתהון ואשרי ואשבוק לחוביהון ואעיל אסותא לארעהון׃
2Chr 7:15 כדון יהא רעוא מן קדם מימרי דאצלי אודני לקבלא צלותא דמצליין עמי באנפי אתרא הדין׃
2Chr 7:16 וכדון אתרעיתי במימרי וקדישית ית ביתא הדין לאשראה שכנתי תמן עד עלם ויהא רעותי לאוטבא תמן כל יומיא׃
2Chr 7:17 ואת תפלח קדמי ותהך באורחן דתקנן קדמי היכמה דהליך דוד אבוך ולמעבד היכמה דפקדתך וקיימיי ודיניי תטר׃
2Chr 7:18 ואקים ית כורסי מלכותך די גזרית עם דוד אבוך למימר לא יפסוק לך גבר יתיב על כורסי מלכותי ושליט על ישראל׃
2Chr 7:19 ואין תייבין אתון ותשבקון קיימי ודיניי די יהבית קדמיכון ותהכון ותפלחון לטעוות עממין נוכריין ותסגדון להון׃
2Chr 7:20 ואיטלטילנון מעלוי ארעי די יהבית להון וית ביתא הדין דקדישית לאשראה ביה שכנתי ארחיק מן קדמי ואתנניה למתלין ולשועי בכל עממיא׃
2Chr 7:21 וביתא הדין דהוה עלאה יהא חרוב כל מן דייעבר עלוי יכלי ויימר מטול מה עבד ייי היכדין לארעא הדא ודביתא הדין׃
2Chr 7:22 ויימרון מן בגלל דשבקו ית פולחנא דייי אלהא דאבהתהון דאפיקנון מארעא דמצרים ואתקיפו בטעוות עממיא וסגידו להון ופלחונון מטול היכנה איתי עליהון ית כל בישתא הדא׃