2Kgs 13:1 בִשנַת עַסרִין וֻתלָת שְנִין לְיוֹאָש בַר אְחַזיָה מַלַך שִבטָא דְבֵית יְהוּדָה מְלַך יְהוֹאָחָז בַר יֵהוּא עַל יִשרָאֵל בְשוֹמְרוֹן שְבַע עַסרֵי שְנִין׃
2Kgs 13:2 וַעְבַד דְבִיש קְֹדָם יוי וַאְזַל בָתַר חוֹבֵי יָרָבעָם בַר נְבָט דְחַיֵיב יָת יִשרָאֵל לָא סְטַא מִנהוֹן׃
2Kgs 13:3 וֻתקֵיף רֻגזָא דַיוי בְיִשרָאֵל וֻמסַרִנוּן בְיַד חְזָאֵל מַלכָא דַאְרָם וֻביַד בַר הְדַד בַר חְזָאֵל כָל יוֹמַיָא׃
2Kgs 13:4 וְצַלִי יְהוֹאָחָז קְֹדָם יוי וְקַבֵיל צְלוֹתֵיה יוי אְרֵי גְלֵי״חזא וגלי#3#״ קְֹדָמוֹהִי דֻחקָא דְיִשרָאֵל אְרֵי דְחַק יָתְהוֹן מַלכָא דַאְרָם׃
2Kgs 13:5 וִיהַב יוי לְיִשרָאֵל פָרִיק וֻנפַקוּ מִתְחוֹת יַד אְנָש אְרָם וִיתִיבוּ בְנֵי יִשרָאֵל בְקִרוֵיהוֹן כְמֵיאַתמָלִי וֻמִדְקַמוֹהִי״ומדקדמוהי#3#״׃
2Kgs 13:6 בְרַם לָא סְטוֹ מִחוֹבֵי בֵית יָרָבעָם דְחַיֵיב יָת יִשרָאֵל בְהוֹן אְזַל״אזלו#3#״ וְאַף אְשֵירְתָא קַמַת בְשוֹמְרוֹן׃
2Kgs 13:7 אְרֵי לָא אִשתְאַר״אַשאַר#3#״ לִיהוֹאָחָז עַם אְלָהֵין חַמשִין פָרָשִין וַעְסַר רְתִכִין וְעַסרָה אַלפִין גְבַר רַגלַי אְרֵי אַבֵידִנוּן מַלכָא דַאְרָם וְשַוִינוּן כְעַפרָא לִדיָש׃
2Kgs 13:8 וֻשאָר פִתגָמֵי יְהוֹאָחָז וְכָל דַעְבַד וְגִבָרוּתֵיה הְלָא אִנוּן כְתִיבִין עַל סְפַר פִתגָמֵי יוֹמַיָא לְמַלכֵי יִשרָאֵל׃
2Kgs 13:9 וֻשכֵיב יְהוֹאָחָז עִם אְבָהָתוֹהִי וְקַברוּהִי בְשוֹמְרוֹן וֻמלַך יוֹאָש בְרֵיה תְחוֹתוֹהִי׃
2Kgs 13:10 בִשנַת תְלָתִין וֻשבַע שְנִין לְיוֹאָש מַלַך שִבטָא דְבֵית יְהוּדָה מְלַך יְהוֹאָש בַר יְהוֹאָחָז עַל יִשרָאֵל בְשוֹמְרוֹן שֵית עַסרֵי שְנִין׃
2Kgs 13:11 וַעְבַד דְבִיש קְֹדָם יוי לָא סְטָא מִכָל חוֹבֵי יָרָבעָם בַר נבָט דְחַיֵיב יָת יִשרָאֵל בְהוֹן אְזַל׃
2Kgs 13:12 וֻשאָר פִתגָמֵי יוֹאָש וְכָל דַעְבַד וְגִבָרוּתֵיה דַאְגִיַח עִם אְמַציָה \מַלַך שִבטָא דְבֵית יְהוּדָה ״#3#״ הְלָא אִנוּן כְתִיבִין עַל סְפַר פִתגָמֵי יוֹמַיָא לְמַלכֵי יִשרָאֵל׃
2Kgs 13:13 וֻשכֵיב יוֹאָש״יוֹאָב#3#״ עִם אְבָהָתוֹהִי וְיָרָבעָם יְתֵיב עַל כֻרסוֹהִי״כֻרסְיֵה#3#״ וְאִתקְבַר יוֹאָש בְשוֹמְרוֹן עִם מַלכֵי יִשרָאֵל׃
2Kgs 13:14 וַאְלִישָע מְרַע יָת מַרעֵיה דִימוּת בֵיה וֻנחַת לְוָתֵיה יוֹאָש מַלכָא דְיִשרָאֵל וֻבכָא עַל אַפוֹהִי וַאְמַר רִבִי רִבִי דְטָב לֵיה לְיִשרָאֵל בִצלוֹתֵיה מֵרְתִכִין וֻמִפָרָשִין״ופרשין#3#״׃
2Kgs 13:15 וַאְמַר לֵיה אְלִישָע סַב קַשתָא וְגִררַיָא וֻנסֵיב לֵיה קַשתָא וְגִררַיָא׃
2Kgs 13:16 וַאְמַר לְמַלכָא דְיִשרָאֵל אָחֵית יְדָך עַל קַשתָא וַאְחֵית יְדֵיה וְשַוִי אְלִישָע יְדוֹהִי עַל \יְדֵי מַלכָא ״ידא דמלכא#3#״׃
2Kgs 13:17 וַאְמַר פְתַח כַוִין לְמַדנְחָא וֻפתַח וַאְמַר אְלִישָע שְדִי וֻשדָא וַאְמַר הָדֵין גִירָא יִתעְבֵיד לַנָא״#3#״ פֻרקָנָא מִן קְֹדָם יוי וְהָדֵין גִרָא יִתעְבֵיד לַנָא״#3#״ נִצחָנָא בַאְנָש אְרָם וְתִמחֵי יָת אְנָש אְרָם בַאְפֵק עַד דִתשֵיצֵינוּן״דְיִשתֵיצוֹן#3#״׃
2Kgs 13:18 וַאְמַר סַב גִררַיָא וֻנסֵיב וַאְמַר לְמַלכָא דְיִשרָאֵל מְחִי לְאַרעָא וֻמחָא תְלָת זִמנִין וֻפסַק׃
2Kgs 13:19 וֻרגֵיז עְלוֹהִי נְבִיָיא דַיוי וַאְמַר הְוָה״הא#3#״ חָזֵי לָך לְמִמחֵי חְמֵיש אוֹ שֵית זִמנִין בְכֵין פוֹן מְחֵיתָא יָת אְנָש״#3#״ אְרָם עַד שֵיצָיוּתָא וֻכעַן תְלָת זִמנִין תִמחֵי יָת אְנָש אְרָם׃
2Kgs 13:20 וֻמִית אְלִישָע וְקַברוּהִי וְמַשרִית מוֹאַב״מואבאי#3#״ עַלָא״עַלַת#3#״עלו#3#״ בְאַרעָא בְמֵיעַל שַתָא׃
2Kgs 13:21 וַהְוָה עַד״בְעַד#3#״ דְאִנוּן קָבְרִין גֻברָא וְהָא חְזוֹ יָת מַשרִיתָא וֻרמוֹ יָת גֻברָא בְקַברָא דַאְלִישָע וַאְזַל וֻקרֵיב גֻברָא״#3#״ בְגַרמֵי אְלִישָע וַחיָא״וַחְזָא#3#״ וְקָם עַל רַגלוֹהִי׃
2Kgs 13:22 וַחְזָאֵל מַלכָא דַאְרָם דְחַק יָת יִשרָאֵל כֹל יוֹמֵי יְהוֹאָחָז׃
2Kgs 13:23 וְחָס יוי עְלֵיהוֹן וְרַחֵים עְלֵיהוֹן וְאִתפְנִי בְמֵמְרֵיה לְאֵיטָבָא לְהוֹן בְדִיל קְיָמֵיה דְעִם אַברָהָם יִצחָק וְיַעְקֹב וְלָא אְבָא לְחַבָלוּתהוֹן וְלָא אַגלִינוּן מֵאְרַע בֵית שְכִינְתֵיה עַד כְעַן׃
2Kgs 13:24 וֻמִית חְזָאֵל מַלכָא דַאְרָם וֻמלַך בַר הְדַד בְרֵיה תְחוֹתוֹהִי׃
2Kgs 13:25 וְתָב יְהוֹאָש בַר יְהוֹאָחָז וֻנסֵיב״וכבש#3#״ יָת קִרוַיָא מִיד בַר הְדַד בַר חְזָאֵל דִנסֵיב מִיַד״מִן#3#״ יְהוֹאָחָז אְבוּהִי בִקרַבַא תְלָת זִמנִין מְחָהִי יוֹאָש וַאְתֵיב יָת קִרוֵי יִשרָאֵל׃