1Kgs 6:1 וַהְוָה \בְאַרבַע מְאָה וֻתמָנַן ״בתמנן וארבע מאה#3#״ שְנִין לְמִפַק בְנֵי יִשרָאֵל מֵאַרעָא דְמִצרַיִם בְשַתָא רְבִיעֵיתָא בְיַרַח זִיו נִצָנַיָא הוּא יַרחָא תִניָנָא לְמִמלַך שְלֹמֹה עַל יִשרָאֵל וֻבנָא בֵיתָא קֳדָם יוי׃
1Kgs 6:2 וֻבֵיתָא דִבנָא מַלכָא שְלֹמֹה קֳדָם יוי שִתִין אַמִין אֻרכֵיה וְעַשרִין״וְעִסרִין#3#״ פֻתיֵיה וֻתלָתִין אַמִין רוּמֵיה׃
1Kgs 6:3 וְאוּלַמָא עַל אַפֵי הֵיכְלָא דְבֵיתָא עַסרִין אַמִין אֻרכֵיה עַל אַפֵי פֻתיָא דְבֵיתָא עְסַר אַמִין פֻתיֵיה״פותיא#3#״ עַל אַפֵי בֵיתָא׃
1Kgs 6:4 וַעְבַד לְבֵיתָא כַוִין פְתִיחָן״פתיחין#3#״ מִלְגָיו וֻסתִימָן מִלְבָרָא״מלבר#3#״ וְחָפיָן כְלֵינְסָא בֵית אְבָהָת״אנחת#3#״ רֵישֵי שָריָת אַרזַיָא׃
1Kgs 6:5 וֻבנָא עַל כֻתלֵי בֵיתָא זִיזָא סְחוֹר סְחוֹר אַקֵף יָת״על#3#״ כֻתלֵי בֵיתָא סְחוֹר סְחוֹר לְהֵיכְלָא וֻלבֵית כַפוֹרֵי וַעְבַד מְחִצַיָא״מחיצא#3#״ סְחוֹר סְחוֹר
1Kgs 6:6 מְחִצְתָא אַרעָיתָא חְמֵש אַמִין פֻתיַה וֻמצִיעֵיתָא שִית אַמִין פֻתיַה וֻתלִיתֵיתָא שְבַע אַמִין פֻתיַה אְרֵי נָפְקָתָא עְבַד לְבֵיתָא סְחוֹר סְחוֹר לְגָיו וֻלבַרָא מִן מְחִצַיָא לְמִהוֵי רֵישֵי שָריָתָא נָיְחָן״ניחין#3#״ עַל זִיזַיָא וְלָא יִהְוָן״יִהוְיָן שָריָתָא מַעבְרָן בְכֻתלֵי בֵיתָא׃
1Kgs 6:7 וֻבֵיתָא בְאִתבְנָיוּתֵיה אַבנִין שַלמָן מְטֻקַס אִתבְנִי וְאַרזוֹבִין״ומרזופין#3#״ וְחוֹלֵילִין וְכָל מָן דְבַרזַל״דפרזל#3#״ לָא אִשתְמַע בְבֵיתָא בְאִתבְנָיוּתֵיה׃
1Kgs 6:8 תַרעָא דִמְחִצְתָא אַרעָיתָא״מציעתא#3#״ פְתִיַח לְעֵיבַר בֵיתָא מִיַמִינָא וֻבִמסִבְתָא סָלְקִין מִן אַרעָיתָא לְעִלֵיתָא בְאוֹרַח מְצִיעֵיתָא׃
1Kgs 6:9 וֻבנָא יָת בֵיתָא וְשַכלְלֵיה וְטַלֵיל יָת בֵיתָא בְהַנתוּכִין וְעֵילא מִנְהוֹן \סִדרָא דְרִכפַת ״סִדרֵי רִכפַת#3#״ \דְמָרֵיש אָעֵי ״רישי שרית#3#״ אַרזַיָא׃
1Kgs 6:10 וֻבנָא יָת תְיָקָא עַל כָל בֵיתָא חְמֵש אַמִין רוּמֵיה וְטַלֵיל יָת בֵיתָא בְאָעֵי אַרזַיָא׃
1Kgs 6:11 וַהְוָה פִתגָם נְבוּאָה מִן קֳדָם יוי עִם שְלֹמֹה לְמֵימר׃
1Kgs 6:12 בֵיתָא הָדֵין \דְאַת בָנֵי ״דְאִתבִנִי#3#״ אִם תְהָך בִקיָמַי וְיָת״ואם ית#3#״ דִינַי תַעְבֵיד וְתִטַר יָת כָל פִקוֹדַי לִמהָך בְהוֹן וַאְקֵים״וַאְקַיֵים#2#״ יָת פִתגָמַי עִמָך דְמַלֵילִית עִם דָוִיד אְבוּך׃
1Kgs 6:13 וְאַשרֵי שְכִינְתִי בְגוֹ בְנֵי יִשרָאֵל וְלא אְרַחֵיק יָת עַמִי יִשרָאֵל׃
1Kgs 6:14 וֻבנָא שְלֹמֹה יָת בֵיתָא וְשַכלְלֵיה׃
1Kgs 6:15 וֻבנָא יָת כֻתלֵי בֵיתָא מִלְגָיו בִמחצָת אַרזַיָא מֵאַרעִית בֵיתָא עַד״ועד#3#״ כֻתלַיָא עַד מָטֵי רֵישֵי״שְמֵי#3#״ שָריָתָא חָפֵי נִסרִין דְאַרזָא״דארזיא#3#״ מִלגָיו וַחְפָא״וחפי#3#״ יָת אוּשֵי בֵיתָא בִמחִצָת בֵירָוָן׃
1Kgs 6:16 וֻבנָא יָת עַסרִין אַמִין מִסְיָפֵי בֵיתָא בִמחִצָת אַרזַיָא מִן אֻשַיָא עַד״ועד#3#״ כֻתלַיָא וֻבנָא לֵיה בֵיתָא מִגָיו״מלגיו#3#״ לְבֵית כַפוֹרֵי לְקוֹדַש קוּדשַיָא׃
1Kgs 6:17 וְאַרבְעִין אַמִין הְוָה בֵיתָא הוּא״הָוֵי#3#״ הֵיכְלָא לְקִבלֵיה׃
1Kgs 6:18 וְנִסרִין דְאַרזָא״דארזיא#3#״ חָפֵי״חפא#3#״ בֵיתָא מִלְגָיו וֻגלָף חֵיזוּ בֵעִין וַאְטוּנִין שוֹשַנִין כָל בֵיתָא חָפֵי נִסרִין דְאַרזָא״דארזיא#3#״ לֵית אַבנָא״אבניא#3#״ מִתחַזיָא״מִתַחזָא#3#׃
1Kgs 6:19 וֻבֵית כַפוֹרֵי בְגוֹ״מִגוֹ#3#״ בֵיתָא מִלְגָיו אַתקֵין לְמִיתַן תַמָן יָת אְרוֹן קְיָמָא דַיוי׃
1Kgs 6:20 וֻקדָם בֵית כַפוֹרֵי עַסרִין אַמִין אֻרכָא וְעַסרִין פֻתיָא״פותיה#3#״ וַעְסַר אַמִין רוּמֵיה וַחְפָהִי״וחפוהי#3#״ דַהבָא טָבָא וַחְפָא בֵיתָא״מַדבְחָא#3#״ נִסרִין דְאַרזָא׃
1Kgs 6:21 וַחְפָא שְלֹמֹה יָת בֵיתָא מִלגָיו דַהְבָא טָבָא וְאַעבַר בְשֵישְלָן דִדהַב קֳדָם בֵית כַפוֹרֵי וַחְפָהִי דַהבָא׃
1Kgs 6:22 וְיָת כָל בֵיתָא חְפָא דַהבָא עַד דִשלִים כָל בֵיתָא וְכָל מַדבְחָא דִלבֵית כַפוֹרֵי חְפָא דַהְבָא׃
1Kgs 6:23 וַעְבַד בְבֵית כַפוֹרֵי תְרֵין כְרוּבִין דְאָעֵי זֵיתָא עְסַר אַמִין רוּמֵיה׃
1Kgs 6:24 וַחְמֵיש אַמִין כַנפָא דִכרוּבָא חַד וַחְמֵש אמִין כַנפָא דִכרוּבָא תִניָנָא עְסַר אַמִין מִקצָת כַנפוֹהִי וְעַד קְצָת כַנפוֹהִי׃
1Kgs 6:25 וַעְסַר אַמִין כְרוּבָא תִניָנָא מִשחָא״משחתא#3#״ חְדָא וְעַברָא״וְעִיברָא#3#״ חַד לִתרֵין כְרוּבַיָא׃
1Kgs 6:26 רוּמֵיה דִכרוּבָא חַד עְסַר אַמִין וְכֵין כְרוּבָא תִניָנָא׃
1Kgs 6:27 וִיהַב יָת כְרוּבַיָא בְגוֹ בֵיתָא גָוָאָה וֻפרַסוּ״ופרס#3#״ יָת כַנפֵי כְרוּבַיָא וֻמַטיָא כַנפָא דְחַד בְכוּתלָא וְכנפָא דִכרוּבָא תִניָנָא מַטיָא בְכוּתלָא תִניָנָא וְכַנפֵיהוֹן לְגוֹ״בגו#3#״ בֵיתָא מָטיָן״מַטיָא כְנַף לִכנַף׃
1Kgs 6:28 וַחְפָא יָת כְרוּבַיָא דַהְבָא׃
1Kgs 6:29 וְיָת כָל כֻתלֵי בֵיתָא אַקֵיף צִיוּרִין וִגלָף קְלִיעָן״קליעין#3#״ כְרוּבִין וְצוּרַת דִקלִין וַאטוּנִין שוּשַנִין מִלְגָיו וֻלבָרָא׃
1Kgs 6:30 וְיָת אוּשֵי בֵיתָא חְפָא דַהְבָא מִלְגָיו וֻלבָרָא׃
1Kgs 6:31 וְלִתרַע בֵית כַפוֹרֵי עְבַד דַשִין דְאָעֵי זֵיתָא אַלָהִי״אֵילָהִי#3#״ סִפָהִי״וסיפוהי#3#״ מְטֻקְסִין׃
1Kgs 6:32 וְתַרתֵין דַשִין דְאָעֵי זֵיתָא וֻגלָף עְלֵיהוֹן קְלִיעָן כְרוּבִין וְצוּרַת דִקלִין וַאְטוּנִין שוֹשַנִין וְחָפֵי דַהְבָא וְנַסֵיך עַל כְרוּבַיָא וְעַל צוּרַת דִקלַיָא יָת דַהְבָא׃
1Kgs 6:33 וְכֵין עְבַד לִתרַע הֵיכְלָא סִפִין דְאָעֵי זֵיתָא מִן אַרבְעָה סִטרֵיהוֹן מְרֻבְעִין״מְרַבְעִין#3#״׃
1Kgs 6:34 וְתַרתֵין דַשִין דְאָעֵי בֵירָוָן תְרֵין״תרתין#3#״ צִירִין דְדַשָא חַד סְגֻלגְלִין״סְגַלגְלִין#3#״ וֻתרֵין״ותרתין#3#״ צִירִין דְדַשָא תִניֵיתָא״תִניָנָא#3#״ סְגֻלגְלִין״סְגַלגְלִין#3#״׃
1Kgs 6:35 וֻגלָף כְרוּבִין וְצוּרַת דִקלִין וַאְטוּנִין שוֹשַנִין וַחְפִי דַהְבָא מְכֻבַש עַל צוּרָתָא׃
1Kgs 6:36 וֻבנָא יָת דָרְתָא גָוָיתָא״גואה#3#״ תְלָתָא סִדרִין דְאַבַן גָזִית״טָבָא#3#״ וְסִדרָא חַד דְמֵרֵיש״דמָרֵיש#3#״ אָעֵי אַרזַיָא׃
1Kgs 6:37 בְשַתַא רְבִיעֵיתָא שָרִי לְאִשתַכלָלָא בֵית מַקדְשָא דַיוי בְיַרַח \זִיו נִצָנַיָא ״הוא ירחא דאייר#3#״׃
1Kgs 6:38 וֻבשַתָא חְדַא עַסרֵי בְיַרַח מְסָף״מיקף#3#״מסיף#3#״ אְבִיבָא״אִבְבַיָא#3#״ הוּא״והוה#3#״ יַרחָא תְמִינָאָה אִשתַכלַל בֵיתָא לְכָל גְזֵירָתֵיה וֻלכָל דְחָזֵי לֵיה וֻבנָהִי שְבַע שְנִין׃